شهيرة: “أنا اللي كنت برفض أعمال بتتعرض على محمود ياسين”
تحدثت الفنانة شهيرة عن تعاملها مع زوجها الراحل محمود ياسين في أيامه الأخيرة، خلال أول ظهور لها بعد وفاته، مع الإعلامي عمرو الليثي في برنامج “واحد من الناس”.
وقالت: “هو في الفترة الأخيرة كان دايمًا بيتساءل ليه مبنزلش تصوير، ودايمًا كان إحساسه إنه عنده تصوير وعنده شغل دا خلاه يتساءل كثيرًا في آخر أيامه، ومكنش بيفكر إنه مريض أو إن فيه حاجة بتعوقه عن شغله، أصل الشغل حياته”.
وأردفت: “وأي شغل كنت أنا بعتذر، وبقول لا مش هيقدر، وكان آخر حد كلمني كان المؤلف وحيد حامد عشان يشارك في مسلسل الجماعة، وحاول يقنعني ويقولي أنا عامل الدور على إن محمود هو اللي هيمثله، بس مكنش ينفع يمثل”.
وتلقت شهيرة العديد من الانتقادات حول ظهورها بميك أب ولم تنتهِ فترة العِدة بعد، لترد رانيا محمود ياسين، عبر حسابها الشخصي على موقع تبادل الصور والفيديوهات القصيرة “انستجرام”، قائلةً: “رد على العدد الكبير اللي داخل يفتي عندي في الدين، شكرا جزيلا لحضراتكم بس الدين يسر وليس عسرا، واخترت لكم الإمام ابن تيمية علشان محدش يقولي شيوخ آخر زمن أهو جبتلكم شيوخ الزمن العتيق.. شكرا مرة تانية لحضراتكم”.