أحمد حسن يعلق على إهمال طريق مؤدى إلى التجمع الخامس: يسبب حوادث (فيديو)

نشر الكابتن أحمد حسن، لاعب المنتخب الوطنى السابق، فيديو عبر صفحته الرسمية على موقع التواصل الاجتماعى “فيس بوك”، حول إهمال طريق بالتجمع الخامس وجود مخلفات على جانبى الطريق، موضحاً أن ذلك من الممكن أن يتسبب فى حوادث طرق كثيرة.

وقال حسن، عبر الفيديو:”بقالى فترة طويلة مطلعتش لايف بسبب اللى موجود فى الطريق ده أنا بمشى عليه بقالى فترة طويلة، وكل فترة بقعد أقول هتكلم وأرجع أقول مش مشكلة، بس عشان متعودش أن يكون فيه سلبية، ده الطريق اللى بيودى للمعارض الدولية الموازى لطريق المشير”.

وتابع حسن:”هو طريق مهم وشايف غياب ضمير وعدم مسئولية، وخلينا نشوف مع بعض، ده طريق متكلف ملايين وناس عندها غياب ضمير، لأن الممكن ده يتسبب فى حوادث كتير بسبب عدم الرؤية بالليل، وزى ما أنتوا شايفين الطريق عامل أزاى؟”.