اقتراح بتصميم تطبيق يجمع الأطباء للمساهمة بتعريف المواطنين بأعراض الكورونا

اقترح الدكتور أحمد صفوت، عضو مجلس نقابة أطباء مصر، إنشاء تطبيق إلكتروني على الموبايل يمثل تجمعًا للأطباء والخبراء والذين يمكنهم تقديم الخدمة الطبية والمعرفية للمواطنين، ويكون ذلك بالمجان.

وقال صفوت في تدوينة على صفحته على موقع التواصل الاجتماعي فيس بوك:” الواحد في دماغه فكرة بس مش عارف أزاي تتنفذ لو أحنا عملنا team من 200 دكتور مثلا على مستوى الجمهورية، وعرفنا نعمل أبلكيشن علي الموبايل بحيث الناس العاديين يحملوه ويبقي على موبايل أي حد”.

وتابع صفوت: “أي حد عنده استفسار عن فيرس كورونا سواء الأعراض أو العلامات الحيوية أو أزاي يفرق بين البرد والفيروس أو لو هو من المنطقة الفلانية وعنده أعراض ندله علي المكان الصح القريب منه أو في حالة الاشتباه بالإصابة يكلمنا ونقوله يتصرف إزاي”.

وأكمل: فترة تعليق المدارس دي نبعتلهم إرشادات أول بأول علي الأبلكيشن ونشجع الناس أنها تهتم وتسأل وتتثقف ونرفع الوعي المجتمعي شوية في ظل الخطر دا، حاجة كده شبه الكوول سنتر، تسأل ويرد عليك طبيب مختص أو طبيب فاهم شكواك وبرضو هعيد وأزيد أن تكلفة الوقاية أخف وأقل بكتير من تكلفة العلاج.

وأضاف الدكتور: ويبقى لينا إطار تاني بنتحرك فيه غير المستشفيات ونوصل للمواطن بطريقه أسهل وأسرع وبدون تكلفة أو انتشار للعدوى وتجميع الدكاترة الجدعان هيبقي سهل بإذن الله ياريت لو حد عنده فكرة أو اقتراح ويقدر يساعد.

3 أجانب و14 مصريا.. “الصحة” تعلن اكتشاف 17 حالة جديدة بفيروس كورونا الجديد (بيان)