الأحد ٢٨ فبراير ٢٠٢١

رئيس التحرير
محمود المملوك

عاجل

نيللي كريم باكية: “حظي حلو إني قابلت ست مبدعة اسمها كاملة أبو ذكري” (فيديو)

نيللي كريم

أعربت الفنانة نيللي كريم، عن سعادتها بردود الأفعال التي تلقتها من الجمهور، بسبب مسلسل “بـ100 وش”، الذي عرض رمضان الماضي.

وكشفت نيللي، عن أصعب الشخصيات التي جسدتها خلال العمل، فقالت خلال لقائها مع أبطال بـ100 وش في برنامج “معكم” مع الإعلامية منى الشاذلي:” أنا حبيت كل الشخصيات اللي عملتها، ولكن أصعب شخصية كانت الست الكبيرة في السن عشان كان ماسك كامل غير لما يتركب مناخير بس، فكان صعب من ناحية المكياج بس كاملة أبو ذكري شافتني ست كبيرة كيوت أوي، أنا الشخصية اللي حبتها أوي كانت الست الخليجية”.

وأضافت: “الحمد لله إن كل حاجة عدت تمام لأن كمان كنا بنصور وقت كورونا ونازلين من البيت وراجعين تاني ومش عارفين هيحصلنا إيه، خاصة أن في مشاهد كان لازم نبقى جنب بعض ولو واحد جاله كورونا يبقى خلاص الدنيا باظت بس الحمد لله كل حاجة عدت بسلام”.

كما بكت نيللي، بعدما تحدث عنها أبطال العمل في البرنامج، حيث قالت: “أنا ربنا بيحبني فعلًا عايزه أشكره، حظي حلو عشان الناس اللي بشتغل معاهم، أستاذ جمال العدل سبب نجاحات كتير في حياتي، بيبقى قلبه عليا، كل سنة بقوله مش عايزه أشتغل، حظي حلو أني قابلت ست جميلة مبدعة اسمها كاملة أبو ذكري”.

واستكملت: “بـ100 وش كان بالنسبة لي تجربة ورحلة مختلفة، ومن قلبي حبيت كل شخص موجود، وسعيدة جدًا إن أنا اشتعلت معاهم، كل واحد كنت بحبه وبقلق عليه، طول الوقت كنت عايزه العمل يطلع بأحلى صورة ويبقى مرتاح”.

وصلة رقص تجمع نيللي كريم وكاملة أبو ذكري على أغنية “مليونير مليونير” (فيديو)

وسوم بـ100 وش كاملة أبو ذكري معكم منى الشاذلي نيللي كريم

مواضيع متعلقة

عاجل طقس الأحد مائل للدفء نهارًا على القاهرة والوجه البحري