عمرو أديب مبيعات الكمامات فى مصر انخفضت
قال الإعلامى عمرو أديب، أن الطلب علي شراء الكمامات انخفضت وهو مؤشر خطير، قائلا:" حتى الآن ربنا سترها معانا، وخسرنا مرحلة الوعي، حنا انا عاوز قانون ، عاوز إجراءات قوية من الدولة المصرية".
وأضاف أديب خلال برنامجه الحكاية:" البلد الوحيدة الى التعليم فيها مستمر ومكمل، الرئيس السيسي كان يتفقد المحاور ولما وقف قعد يقول للناس "الكمامة"، والناس تهتف وطبعاً الرزاز شغال".
وتابع:" انا قولت هنشوف المصريين الجدعان الرجالة ، وكنت براهن وخسرت الرهان، مضوحاً أنا مليش دعوة بموضوع الوعي و مليش ذنب، ومحدش يقول البس كمامة محدش ملتزم.
وأشار:" كورونا مش زيى فيروس سي، انا ذنبى ايه انك قررت متخدش بالك، البلد مفهاش مطعم أو كافيه ملتزم بالإجراءات ، مترو الأنفاق وقعت غرامات لـ 1500 شخص مخالف لناس مش لابسين كورونا، طيب لو واحد اتصاب فى من الناس الى مش لابسة فى المترو قول على مصر السلامة.
وأشار:" أنا عمرو أديب مليش دعوة بالوعي، ولا أناشد أحد ، أنا عاوز الدولة تقوم بإجرائها ، عمر مش بيمهد لإغلاق تام فى البلد علشان الناس متفهمش كلامي، كل حاجة شغالة والناس واخده الموضوع هزار.
عمرو أديب: "كنت براهن على وعي الشعب المصري وغيرت رأيي"
