الجمعة 29 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

“لا حياة لمن تنادي”.. سكان العمرانية يستغيثون لإنقاذهم من المنازل الغارقة بمياه الصرف (فيديو)

القاهرة 24
تقارير وتحقيقات
الخميس 02/يوليو/2020 - 06:42 م

استغاث سكان وأهالى منطقة العمرانية، من شركة مياه الشرب والصرف الصحي بالجيزة بسبب غرق منازلهم بالصرف الصحي متضررين من آثار مشروع احلال وتجديد خطوط الصرف الصحي بالشارع، بشارع ترعة الزمر.

وقال الأهالى فى فيديوهات حصل “القاهرة 24” على نسخة منها، إن المواطنين والسكان يبيتون فى الشوارع بسبب غرق الصرف الصحي للمنازل وعدم وجود رد أو تدخل من شركة المياه والحجة إن منسوب الصرف عالى، وتابعوا: “كل ما نكلم حد علشان يجي يتدخل أو ينزع المياه يطلب فلوس.. طيب إحنا مالنا دي مشكلتنا؟!”.

وفاة عاملين أثناء تسليك بالوعة صرف صحي في القليوبية (صور)

وحددت الشركة مدة تنفيذ مشروع الصرف الصحي بشارع الدكتور بالعمرانية، وهي خمسة أشهر من استلام الموقع خالي من العوائق، وسيتم طرح وترسية المرحلتين الثانية والثالثة فور توافر الاعتماد المالي.

طلب السكان لنائب البرلمان
طلب السكان لنائب البرلمان

وكان سكان المنطقة يعانون منذ مدة من طفح مياه الصرف الصحي بشكل يعيق الحياة بالشوارع وفي المنازل، فيوضح السكان أنهم قد أعطوا مبالغ مالية تقدر بـ300 جنيها لعربات الشفط الحكومية، حتى تخلصهم من مياه الصرف الصحي، ولكن دون جدوى.

طلب السكان لنائب البرلمان
طلب السكان لنائب البرلمان

وقد اشتكى أحد السكان، وهو داخل منزله، والمياه تحاوطه من كل اتجاه، أن حياته واقفة قائلا: “أعمل ايه دلوقت، كله بايظ”، وأضاف أخر قائلا لـ”القاهرة 24”: “الموضوع ده بقاله سنين في شارع موسى إبراهيم بالعمرانية غربية، وكل الناس نزلت هنا والمحافظ نفسه نزل ومفيش حاجة، الناس كلها عايشة في المجاري، كل الشوارع والدور الأرضية متغرقة بالمياه، مش عارفين نعيش، وبقالنا أسبوع شغالين على الموضوع ده، وبنتحايل على الناس تيجي تحل المشكلة، الناس بتطلع من الدور الأرضي تبات في الشارع لأن حوالي شبرين تلاتة مياه في الغرف، ومفيش محطات رفع والمنسوب عالي، الناس مالها ومال الكلام ده، كله بيدفع مياه وصرف صحي، ومفيش حد بيجي إلا ويأخد فلوس وخلاص”.

https://www.cairo24.com/wp-content/uploads/2020/07/WhatsApp-Video-2020-07-02-at-5.11.24-PM.mp4 https://www.cairo24.com/wp-content/uploads/2020/07/WhatsApp-Video-2020-07-02-at-5.11.26-PM1.mp4

نفس الشكوى أكدها ساكن أخر في المنطقة، ففي كل أسبوع يحدث نفس المشهد وتغرق الشوارع بمياه الصرف الصحي، وكذلك المنازل، بل وكابلات الكهرباء وغيرها تغرق في المياه، فالكهرباء والصرف الصحي خدمات يفتقدها سكان المنطقة منذ زمن، ويوضح لـ”القاهرة 24″ أن هناك حالات صعق بالكهرباء تحدث نتيجة مياه الصرف الصحي، “في راجل والبهائم معاه اتكهربوا امبارح، وكمان الأطفال عرضة الكهرباء داخل المياه”.

https://www.cairo24.com/wp-content/uploads/2020/07/WhatsApp-Video-2020-07-02-at-5.11.24-PM1.mp4 https://www.cairo24.com/wp-content/uploads/2020/07/WhatsApp-Video-2020-07-02-at-5.11.26-PM.mp4

 

تابع مواقعنا