هاني سعيد عن أزمة الجماهير مع رمضان صبحي: "لسه صغير وبياخد الكلام على صدره"

تحدث هاني سعيد، المدير الرياضي لنادي بيراميدز، عن طموح الفريق في الموسم الحالي من البطولات المحلية والإفريقية المختلفة.

وقال سعيد خلال تصريحات إذاعية: "الفكرة كلها إن الفرقة تبقى مصدقة إننا نريد التتويج بكل البطولات المحلية وعندنا كل حاجة متوفرة من كل الجوانب".

وأضاف: "بالنسبة لنا عدم وجود الجماهير ميزة وعيب، إحنا ممكن نعمل حاجة أحسن من السنة اللي فاتت.. المدرب الأرجنتيني كل يوم بيبقى أحسن من اللي قبله، ومن خلال الملعب فهو مدرب كبير".

وعن هجوم الجماهير على رمضان صبحي وشريف إكرامي قال سعيد: "كل حاجة بتعدي.. الموضوع مختلف شوية بين شريف ورمضان صبحي، لأن شريف مبيهتمش كتير لكن رمضان لسه صغير وبياخد الموضوع على صدره شوية فلما بيتهاجم بيضايق".

وواصل: "لما بصيت في الجدول لقيت إن كل الماتشات صعبة.. المنافسة هتكون بين الأهلي والزمالك وبيراميدز وسيراميكا ممكن يعمل حاجة ويبقى ليهم مكان كويس لكن مقدرش اقول هتنافس".

وأتم هاني سعيد حديثه قائلا: "أنا عاوز اشتغل فني لكن بالشكل اللي الناس اتكلمت بيه غير صحيح، ولم أطلب أن أكون مدربا في بيراميدز.. وسعيد بدوري في النادي واستفدت كتير".

بيراميدز يفتتح مشواره في الكونفيدرالية اليوم بمواجهة الاتحاد الليبي

خالد الغندور: "أنا صوت الزمالكاوية.. وهجوم جماهير الأهلي عليَّ أمر طبيعي