ردًا على تمرد مصطفى محمد.. طارق السيد: "الزمالك مبيقفش على حد"
علق طارق السيد، نجم الزمالك السابق، على رغبة مصطفى محمد، لاعب الفريق الأول لكرة القدم بالقلعة البيضاء، بالرحيل عن الفريق الأبيض، خلال فترة الانتقالات الشتوية المقبلة.
وقال السيد خلال تصريحات إذاعية: "كل لاعب عنده طموح خاصة مصطفى محمد وإنه عنده فرصة يحترف، لكن أنا بنصح مصطفى يصبر لبعد الأولمبياد وبقوله اصبر ٦ أشهر بس، الرقم اللي هيدفع فيك دلوقتي ده ممكن يبقى الضعف، ليه تحرم نادي الزمالك من كده".
وتابع "أنا بحب مصطفى جدا لكن لما تيجي تدور على التاريخ الجيل ده مأخدش دوري، أنتم لسه مخدتوش دوري ولا إفريقيا، الزمالك لازم يأخد دوري عشان حتى تقول عملت، خد دوري السنة دي وامشي زي ما النادي أداك شهرة وسمعة وفلوس".
وواصل: "حتى لو عقدك قيمته قليلة لكن يوم ما مضيت دي كانت قيمتك، احترم تعاقدك مع النادي، من حقك تدور على مصلحتك، اشتغل السنة دي، والفريق اللي جالك ده جالك عشان أنت في الزمالك، وأتمنى أن مصطفى يفهم".
وأتم السيد: "بتلوي دراع مين؟ بتلوي دراع نفسك؟ الزمالك مبيقفش على حد ولا دراع بيتلوي، أنتم لم تحصلوا على دوري عشان هتعملوا فينا إيه، هو ينفع لما النادي يبقى مزنوق شوية تذبحه".
وليد صلاح عبداللطيف: طالبت مسئولي الزمالك بالتعاقد مع والتر بواليا
