حمدي فتحي يهاجم فيلم "سر التاسعة": أبسط حقوقي أكون موجود ولو دقيقة

هاجم حمدي فتحي لاعب الفريق الأول لكرة القدم بالنادي الأهلي، فيلم "سر التاسعة"، الذي بُث مساء أمس، لتوثيق إنجازات الفريق ومشواره خلال بطولة دوري أبطال إفريقيا.

وهاجم حمدي فتحي عبر حسابه الرسمي على موقع التواصل الاجتماعي "انستجرام"، فيلم سر التاسعة بسبب عدم ذكره في الفيلم رغم دوره الكبير في تتويج الأهلي بالبطولة، وكتب: "طبعا زي أي حد أهلاوي، أتفرج على الفيلم الوثائقي سر التاسعة، اتبسط من الفيلم، بس استغربت، إن فيه لعيبة مش موجودة في الفيلم، وأكتر حد استغربته إنه مش موجود كان حمدي فتحي".

وتابع: "وبصراحة اتصدمت أكتر لما سجلت وصورت زي كل اللاعيبة، الفيلم ده لما يتشاف، بعد عشرين سنة، اللي هيتفرج هيقول، ان اللي في الفيلم دول، هما اللي كسبوا واحدة من اهم البطولات في تاريخ النادي، موضحا: "وبقيت اللاعيبة اللي شركت هيضيع. كل لاعب شارك ولو دقيقة واحدة في البطولة ده، وكان سببا في الفوز أبسط حقوقه، أنه يبقى موجود في الفيلم".

جمهور الأهلي يتفاعل مع "سر التاسعة"