تحرش وردة وبعض لاعبي المنتخب بعارضة أزياء يثير الجدل على “السوشيال ميديا” (صور وفيديو)

حالة من الإستياء انتابت مستخدمو مواقع التواصل الاجتماعي، بعد أن نشرت موديل على موقع الفيديوهات والصور “انستجرام” وتدعى “ميرهان” بعض المحادثات، والتى تتهم فيها بعض لاعبي المنتخب بالتحرش وعلى رأسهم عمرو وردة.

وتدوال العديد من الصفحات على موقع التواصل الاجتماعي “فيس بوك”، صورًا للاعب عمرو ورده واللاعب محمود حمدي والفتاة.

وقالت إحدي الصفحات ” عمرو وردة والونش قاعدين لحد 2 بليل على الإنستجرام يتنافسوا على مين اللي يشقط البت ديه”.

شاهد استياء رواد مواقع التواصل الاجتماعي من بعض لاعبي المنتخب المتهمين بالتحرش

كما كتب أحد المستخدمين على موقع التواصل الاجتماعي “فيس بوك”، ” عشان اللي بيسأل ليه ناس كتير بتكتب عن #عمرو_وردة  القصة باختصار أنه كان عنده فراغ شوية وهو يستحق لقب كبير .. العرب بصراحة دخل يشقط ” موديل مصرية على انستجرام عشان تجيله اليونان ” المهم البت عايزة تتشهر شوية قامت عملت تسريب للمحاولة دي نظرا لأنه مش لوحده كان تقريبا في رهان مع الونش في نفس الوقت”.

يذكر أن نشرت “ميرهان” فيديو بخاصية “ستوري” على حسابها على “انستجرام” قالت خلاله: “استنوا عليا شوية النهاردة بس افضى وانزلكم حاجة هتسليكم جدا وهتحزنكم وتقرفكم برضو جدا بس ده الواقع اللي لازم نفهمه”.

وأضافت: “والله يا جماعة أول امبارح ده كان يوم حافل، أول ما نزلت “ستوري” جديدة فجأة الناس دي ظهرت عندي”.

وظهر في الفيديو حسابات عمرو وردة وأيمن أشرف وأحمد حسن كوكا ومحمود حمدي الونش، لاعبي منتخب مصر.

وتابعت بالصور: “أن اللاعب عمرو وردة دخل لها على الخاص وكتب “بوكسينج ها ها ها ” تعليقًا على البوست الخاص بها”، فيما علق اللاعب محمود حمدي الونش على البوست الخاص بها برسالة تحمل علامة الإعجاب يصحبها علامة قلب على الشات بينهما”.

وأوضحت “ميرهان”: “فجأة وراها على طول الرسايل بدأت.

أولا أنا دايما برد على رسايلي خصوصا لو مصريين عشان محدش يقول واخدة في نفسها قلم بس إن المنتخب الوطني كله يظهر عندي في نفس الوقت دي غريبة جدا وأكيد مش صدفة”.

“تعالى اليونان”.. القصة الكاملة لاتهام عمرو وردة بالتحرش بموديل مصرية

وتابعت: “ولحد كده كان عادي مفيش مشكلة، لكن واحد من الأساتذة يبعت يقولي أنا هعرف أجيب رقمك وانتى متعرفيش أنا مين وأنا محدش يطنشني دي بقى مش مظبوط، للأسف عندنا في مصر لما بيحبوا حد في مصر لما بيحبوا حد بيطلعوه السما كأنه بطل، والواقع غير كده خالص،

وأردفت:”احنا في مصر لو أنتى بنت يبقى الغلط عليكي تلقائي بس احنا هنا مش في مصر، يا ريت الأساتذة يركزوا عالبطولة اللي الراجل الغلبان عندنا في مصر بيستلف ثمن الشاي عشان ينزل يتفرج عليكوا ده ما يجيلوش غلطة،والأستاذ اللي بيقولي انتي مش عارفة أنا مين؟ لا معرفش.. بس عرفت بقى لما سألت وعرفت إن ليك سوابق في المواضيع دي والكل عارفها”.

وحذرت “ميرهان” من إبداء الإعجاب لصور المنتخب، قائلة:“يا جماعة خدوا بالكم قبل ما تتجرأوا وتعملوا لايك لصورة المنتخب، واضح إن اللعيبة سايبة البطولة وقاعدين عالانستجرام بيتفرجوا. مجال مقرف فعلا”.