مجدى عبد الغنى: مستعد للسفر إلى إنجلترا وسماع طلبات صلاح (فيديو)

قال مجدى عبد الغنى، عضو اتحاد الكرة المصرى، إن الجميع يًقدر اللاعب محمد صلاح جيداً، والجميع يحبه لأنه ابن المنتخب المصرى، مشيراً إلى أنه كان يتابع صلاح منذ أن كان لاعباً فى منتخب الشباب، وكان يدخل غرفهم، متابعاً:”بنعامل المنتخب معاملة رفيعة المستوى واحنا بندور على راحة المنتخب اكتر من اللاعبين نفسهم”.

وأضاف “عبد الغنى”، خلال مداخلة هاتفية للإعلامى معتز الدمرداش، قديماً كان اللاعبين يقيمون فى أى مكان، ولكن حالياً الوضع مختلف فالإقامة أصبحت فى فنادق 7 نجوم، قائلا:”معنى انا صلاح اتضايق من الناس اللى بتتصور معاه او مش عايز حد يخبط على اوضته، والساعة 4 الفجر هل أحنا أمن عشان نمنع الناس اللى بتطلع”.

وتابع عبد الغنى قائلا:”صلاح بعت بشكل مش لطيف ووكيله قال على الاتحاد أن يستقيل والاتحاد منتخب وهو مش هيقرر، والكلام مكنش منطقى، مافيش خصومة مع صلاح الغرض من البيان التهدئة، وهو لو اتصل وقال تعالوا عايزين نقعد قعدة، واحنا طلبنا منه يجى القاهرة، ولو قال فى اطار الاسرة بدون جوابات وتصعيد، وأنا مستعد للسفر إلى إنجلترا للحديث مع صلاح وسماع طلباته”.