رحاب الجمل تستنكر الهجوم على محمد رمضان: “مبيفوتش فرض وفاتح بيوت كتير” (فيديو)

علقت الفنانة رحاب الجمل على الانتقادات التي توجه للنجم محمد رمضان، والذي تشاركه في بطولة مسلسل “البرنس”، ويعرض حاليًا ضمن الماراثون الرمضاني لعام 2020، وهو من تأليف وإخراج محمد سامي، وإنتاج سينرجي.

وصرحت الجمل لـ”القاهرة 24”: “مهما تربصنا لبعض ووقفنا لبعض أو الناس بدأت يبقى في مؤمرات، في النهاية كلمة ربنا هي اللي بتحقق وربنا بيقول للشيء كون فيكون، محمد رمضان بيعمل حاجات كويسة وبار بأهله، وبيعمل خير كتير، وحد محترم مع زمايله وطيب جدًا ومحترم، وفاتح بيوت كتير”.

وتابعت: “مبيضايقش حد، حتى مع الناس اللي بتاخد الكلام على نفسها لو صور أغنية ياخدوها على نفسهم ولو صور كليب في الشارع ياخدوها على نفسهم، لا هما اللي بيتلككوا، أنا بقول بجد اللي مبيحبش محمد رمضان يبقى ميعرفوش، وبيصلي ومبيفوتش فرض، ده لو أناني أو وحش كان هينفع يسمح بالفرص دي لزملائه، والناس اللي تربصت ربنا خيب أمالهم، ومقدرش أقول غير إن ربك لبالمرصاد”.

بلاغ للنائب العام ضد محمد رمضان لإهانته الدولة المصرية في مسلسل البرنس

تدور قصة مسلسل البرنس للنجم محمد رمضان حول الأسطى رضوان البرنس،  والذي لديه 6 أخوات توفي والدهم وترك لهم إرثه، ليبدأوا في ظلم شقيقهم والذي يصل إلى الزج به في السجن، ليخرج بعدها باحثًا عن الانتقام.

مسلسل البرنس يشارك في بطولته النجم محمد رمضان، والفنان أحمد زاهر، وإدوارد، وريم سامي، وأحمد داش، وأنعام الجريتلي، وسلوى عثمان، ورحاب الجمل، ومن تأليف وإخراج محمد سامي، وإنتاج سينرجي.