محمد رمضان: المغني شعبيته 10 أضعاف الممثل.. وأغلى رقم حققته في حفلاتي كان 150 ألف شخص
تحدث الفنان محمد رمضان عن سبب اتجاهه للغناء، مشيرًا إلى أن المغني شعبيته عشرة أضعاف الممثل.
وأضاف محمد رمضان خلال استضافته في برنامج صاحبة السعادة مع الإعلامية إسعاد يونس: الموضوع في البداية كان غنوة في إعلان نجحت وعجبت جمهوري فجمهوري كأنه شاور لي إنه عاوز من ده تاني فبدأت أدرس إيه يتماشى مع طبيعة صوتي وإيه نوع الكلمات اللي تتلائم معايا، وأنا مستفاد إيه كمحمد رمضان من تجربة الغناء فلقيت أن المغني شعبيته 10 أضعاف الممثل.
المغني أقرب للجمهور من الممثل
وأوضح محمد رمضان: طول عمرنا بنضرب المثل بجنازة أم كلثوم وجنازة عبد الحليم لأن المغني أقرب للجمهور من الممثل، لأنك علشان تشوف الممثل لازم توفر لي شاشة أو تروح مشوار في المسرح لكن المغني بيوصل للناس في العربية والجيم والشارع وممكن الجمهور يدندن الأغنية وهو بياخد شاور.
وتابع محمد رمضان: أنا عاشق لجمهوري وعاوز أوصل لهم، فلقيت أن الغناء حاجة عظيمة وأنا ما ختارتش الجمهور اللي قال لي حبيتك في ده وفي فرحي ونجاحي والمغني بيرتبط بمناسبات أكتر من الممثل، فبدأت آخد خطوات وعلشان يكون في استمراية لازم يكون فيه تجديد فعملت نمبر وان ومافيا وانساي ويا حبيبي.
وأشار محمد رمضان أنه يحضر لأغنية جديدة مع أغلى مغني في العالم، قائلًا: عندي غنوة مع أغنى مغني في العالم وأغلى رابرر اسمه فيوتشر وهتكون أول غنوة له مع فنان عربي، وأنا مش دافع له ولا هو دافع لي لأني شايف أني مكسب ليه في الميدل ايست وهو مكسب ليا في العالم كله.
وأضاف: لما عملت أغنية مع ميتر جيمس يقيت بسببها معروف في فرنسا وأنا في دبي بيتصورا معايا والتبادل الفني مهم لأن الدول بتكبر بالتبادل سواء التجاري أو الاقتصادي، وميتر جيمس قبل يا حبيبي ما كنش معروف في مصر لكن دلوقتي في قطر عامل اغنية في كأس العالم.
محمد رمضان يكشف أعلى رقم حققه في حفلاته
وكشف محمد رمضان أعلى رقم حققه في حفلاته الغنائية، قائلًا: أعلى رقم حققته في أول حفلة ليا في الساحل كانت بـ 150 شخص.
