شهيرة: “محمود ياسين عمره ما تاه عنّنا.. وكنت أموت لو معرفنيش”
كشفت الفنانة شهيرة، تفاصيل السنوات الأخيرة في حياة زوجها الراحل الفنان محمود ياسين، مشيرة إلى أنه كان يتمتع بصحته وقواه العقلية، ويتذكر جميع من حوله.
وتابعت شهيرة خلال لقائها مع برنامج “واحد من الناس”، الذي يقدمه عمرو الليثي، على شاشة “الحياة”: “عمره ما تاه عننا لحد آخر يوم في عمره، دنا كنت أموت لو معرفنيش، وأقول لعمرو يابني أنه مش عارفني دنا أموت، مكنتش هقدر أستحملها أبدا، بس ممكن ميدقش كان بيقولي عايز أنزل تصوير، ويجي تاني يوم ميسألنيش”.
كما أكدت شهيرة، أنها كانت تخاف على الراحل من انتقال عدوى كورونا له، مشيرة إلى أنها منعت أولادها من رؤيته فترة ما: “خفت عليه من الكورونا طبعًا، مناعته ضعيفة بس كنت بشوفهم من بعيد، ميقدروش يقربوا منه، من بعيد لبعيد، كنت بحاول أنشط له ذاكرته، يعني مثلا يكون في فيلم من زمايله، فأسأله أقوله مين ده، فيرد محمود عبد العزيز طبعًا، مافيش حد ميعرفوش”.
وأما عن وجود خلافات بينه وبين الزعيم عادل إمام، بسبب اعتذاره عن المشاركة في مسلسه “صاحب السعادة”، قالت شهيرة: “لأ مكنتش أسباب مرضية، وحاجة تافهة، عمرو كان معاه يومها وقاله يا بابي العمل ده هيبقى مرهق عليك، محمود حس أنه مش هيقدر يكمل، ورامي إنسان جميل جدًا وإنه محمود يكمل، كان بيقول نفسي”.
شهيرة ضيفة “واحد من الناس” في أول ظهور لها بعد وفاة محمود ياسين (فيديو)
