ريهام سعيد: “الناس مفكرة إننا اصطادنا الثعلب وقتلناه.. لو كدة يبقى أطلع على مستشفى المجانين”
علقت الإعلامية ريهام سعيد، على الاتهامات التي لاحقتها بعدما عرضت حلقة “صيد الثعالب”، في برنامجها “صبايا الخير”، على شاشة “النهار”، مما جعل الفضائية تقدم اعتذارًا للمشاهدين وترفع الحلقة من على منصات التواصل الاجتماعي.
وقالت “سعيد” في بث مباشر على صفحتها بـ”فيس بوك”: “أنا بحضر فيديو أرد بيه بجد، ولما تليفزيون النهار شال الحلقة كان عشان متتحرفش، ومحدش ياخد منها أجزاء ويركبوها على بعض، ثانيًا لو منظر التعلب والحديدة قافلة على رجله متعب، أنا مبنزلوش عشان حاجة، أنا لقيت إن من الحاجات المرعبة بتحصل، إن أنت بتبقى بتشتغل وحاطط مصير عيلته وأولاده وكاريره في إيد لجان إلكترونية”.
وتابعت: “ملقتش حد يعلق أو زعلان أو أي حاجة، كل اللي بيتكلم على الحلقة مشفهاش، كل ما أسأل حد يقولي مشفهاش وبيهاجم وخلاص، الناس فاهمة إن إحنا روحنا اصطادنا ثعلب وقتلناه وفضلنا نصوره وهو بيطلع في الروح قدام الكاميرا، يا سلام والله، أكيد ده محصلش ولو حصل، يبقى أطلع على مستشفى المجانين، أنا لسة صاحية عشان قاعدة طول الليل بظبط في الفيديوهات عشان أوضح الحقيقة”.
واستكملت: “مش هفضل كل مرة كده لمجرد إني بعمل كده، مش ممكن هاشتاج ممول ومنظم بهذه الطريقة، يطلع عشان اصطادنا ثعلب، أنا مشفقة عليكم والله، وربنا يديني على قد نيتي، لما بتوقف عن شغلي بيبقى أحلى أيام حياتي”.
بلاغ للنائب العام يطالب بمحاكمة عاجلة لـ”ريهام سعيد” لتعذيبها ثعلبًا على الهواء
نقابة الأطباء البيطريين تستنكر الترويج لصيد الحيوانات البرية في برنامج ريهام سعيد
