شريف منير: "بفضّل الأدوار الوطنية اللي بقول فيها أنا بحب مصر"

الإثنين 15/فبراير/2021 - 10:02 م

تحدث الفنان شريف منير عن مشاركته في فيلم "السرب" المرتقب عرضه خلال الفترة المقبلة، عقب الانتهاء من تصويره بالكامل، قائلًا: "أنا بحب هذه النوعية من الأدوار والأفلام لأنه من خلالها بقول للناس أنا بحب مصر، هي دي اللحظات اللي بنبين فيها حب مصر وشعوري ببلدي ومصر الجديدة اللي عايشينها دلوقتي والتي تشهد تحقيق خطوات ناجحة ومهمة وعظيمة تتسم بالثبات والثقة".

وأردف شريف في مداخلة هاتفية عبر برنامج "كلمة أخيرة" الذي تقدمه الإعلامية لميس الحديدي على شاشة "ON" قائلاً: "أنا بحب بلدي وبحب الإدارة القائمة على إدارة شؤون مصرن وحاسس بالتنوع والنجاح، لكن الحاجات اللي بتجيلنا من بره مبقاش يهمنا من كتر ما قالوا وعادوا فيه مابقاش يهمنا كل يوم بره في قنواتهم يشتموا ويهاجموا ونفس الكلام بيتقال".

وتابع: "عشان كده أنا بحب الأدوار العظيمة زي فيلم السرب عشان بعبر خلالها عن مدى حبي والتفاني لبلدنا مصر.. أنا مكنتش كده زمان لكن بعد كل الأحداث اللي مرت بها مصر خلال السنوات الماضية حسيت ببلدي أكتر وعشان كده مبسوط وبحب الأدوار الوطنية زي أولاد العم كان عمل صحيح قمت فيه بدور اسرائيلي لكن كنت مبسوط بيه لأننا بنبين رسالة مهمة ازاي مؤسساتنا الأمنية حاكمة وبتحافظ على البلد وبتدير المنظومة بشكل جيد".

وعن طبيعة دوره في الفيلم وهل سيكون قائد للقوات الجوية؟ قال: "الفيلم مشرف في قصته لأنها ليست حدوتة مفتلعة لكنها قصة حقيقية تمثل مجزرة وأخذ الثأار كان حقيقي، وكلنا سمعنا عن القصاص اللي حصل بس مشفنهوش على أرض الواقع، لكن من خلال هذا العامل سنقدم للناس جزءا من القصاص على قد مقدرتنا وهو جزء بسيط من اللي حصل فعلا والناس هتخرج بعد مشاهدة الفيلم شاعرة بالفخر بالسينما المصرية وببلدها".

وأضاف: "أحمد السقا بطل الفيلم وأنا عارفه لأنه أخويا الصغير مبيحبش يتكلم عن نفسه وهو هيلعب دور مهم جدا، وأحمد جسده بشكل قوي جدا وأحمد نادر جلال كان مايستروا وكل من خلف الكاميرا عمل شغل هايل، بالنسبة لي أنا عامل دور ضيف شرف في الفيلم لكن بالنسبة لآسر وكريم فهمي وأحمد حاتم احنا كلنا بنشغل في الفيلم ده شرف لينا مش ضيوف وكل واحد محطوط في حته محدش هينساه زي ما عملت دوري في الممر وعمل أثر، ودائما بيبقى نفسي في دور اتمطع فيه يكون كبير بس لما جالي دور صغير في فيلم السرب مقدرتش اتأخر ولا استنى جريت عليه".

وحول وجود أدوار نسائية في الفيلم، قال: "هند صبري موجودة في الفيلم وأنا دوري الجزء الخاص بي يتعلق بقصف القوات الجوية وتحنا قضينا أيام مع الأبطال الحقيقيين وشفنا ناس رجالة ورحبوا بينا جدا وقدموا لينا التسهيلات بكل حب وأمانة واحنا كممثلين بنستمع بحاجات المواطن العادي مش بيشوفها زي ما تفرجناأثناء التصوير على طائرات اف 16 ولما شفنا قائد الطيارة قدامنا بنحس بسعادة كبيرة".