أمي رفضت تشوفه لأني بموت.. أحمد شاهين يروي كواليس مشهد وفاة "دكتور عصفور" في بنج كلي
تحدث الفنان أحمد شاهين عن كواليس شخصية “دكتور عصفور” في مسلسل بنج كلي، والتي حققت نجاحًا واسعًا خلال عرض المسلسل على إم بي سي شاهد، وتفاعل معها الجمهور بشكل كبير.
وقال أحمد شاهين في تصريح خاص لـ القاهرة 24: “مبسوط بشخصية دكتور عصفور في بنج كلي، لأنه كان تحدي بالنسبة لي لأن دايما متعودين عليا في الكوميدي، والدور في الاخر كان فيه تويست انه طلع هو اللي بياخد المخدرات وبيسرقها وبيموت”.
أحمد شاهين يتحدث عن المخرجة نادين خان
كما تحدث عن المخرجة نادين خان والعمل معها لأول مرة: “ أنا اشتغلت على الشخصية كتير مع المخرجة نادين خان وهي بتحب الممثل وبتسمعني واستحملتني لأني بذاكر كتيير وبركز وفضلنا نشوف مع بعض إيه ينفع وايه مينفعش؟، وده باين معايا في المشهد الأخير اللي كنت بموت فيه، قعدت معايا نص ساعه قبلها، وكان صعب لدرجة أمي رفضت تشوف المشهد عشان كنت بموت فيه، وشرف لي كنت معاها ومسلسل من إخراجها”.
وعلق أحمد شاهين على ردود فعل الجمهور حول شخصية عصفور والتفاعل معها عبر السوشيال ميديا: “ ورد فعل الجمهور على الشخصية بتاعت عصفور وشفت الناس في الشارع وقدمته بشكل كويس ولمس الناس، وكانوا بيبعتوا بيشتموا الشخصية - ومبسوط بالشغل مع زمايلي في العمل والأجواء كانت جميلة بينا ودايما في تعاون”.
