شقيقة أحد المشاركين في إعلان لـ محمد رمضان تروي تفاصيل انفجار قنبلة أثناء التصوير
روت آية شعيب، شقيقة أحد المشاركين في إعلان جديد للفنان محمد رمضان، تفاصيل انفجار قنبلة خلال التصوير، وإصابة شقيقها في الواقعة.
وكتبت عبر حسابها على “فيس بوك” إنها شقيقة يوسف عمر، أحد المشاركين في الإعلان، والذي أصيب بحروق من الدرجة الأولى خلال مشاركته في التصوير.
وأوضحت في منشور أرفقته ببعض الصور: "أخويا يوسف ربنا نجاه من الموت امبارح.. في تصوير إعلان لمحمد رمضان انفجرت فيه قنبلة حقيقية .. وخبير المفرقعات اللي بيشتغل مع رمضان اسمه عصام الوريث.. اللى المفروض جزء من وظيفته الحفاظ على حياة الناس اللى بيشتغل معاهم.. قاله دي قنبلة صوت ومطلعتش كدة.. ومفكرش حتى يلبسه حاجة تحميه أو ينبهه أو يعدل مكان وقفته".
وتابعت: "من غير سابق انذار ومن غير اي احتياطات تحافظ على جسمه وعلى حياته هو و اللي حواليه انفجرت القنبلة تحت رجله ..والنتيجة حروق من الدرجة الأولى في رجله كلها ..والتهاب في جدار الخصيتين ..وعمره كان هيضيع والخصيتين كانوا هينفجروا لولا ستر ربنا .. وأنه وطى ورجع لورا علي اخر لحظة .. وأستاذ عصام كان شايف ان يوسف مأفور وأن فيه أيه يعني اللي حصل دة أنت مثلت مع رمضان دة أنت دخلت التاريخ".
وقالت: "أستاذ أشرف زكي مشكورا ماسبهوش لحظة ومتابع معانا كل التفاصيل ..فيه تقرير طبي وفيه محضر وكدة كدة حقه مش هنسيبه ..والبوست هيفضل مفتوح للتعديل وعشان نزود كل تفصيله في القصة دي ..اللي عنوانها الإهمال واللامبالاةوالفشل ..والناس اللي فاكرة أنها ممكن تعمل أي حاجة وتعدي بيها عادي عشان مسنودين".
