يوسف عمر يهاجم مصمم معارك إعلان محمد رمضان: "عيب تقول تريندات كدابة.. أنا كان زماني ميت"

أعرب الفنان الشاب يوسف عمر عن استيائه من وصف مصمم المعارك عصام الوريث بالخلافات التي كانت بينهما بأنها “تريند” وذلك بعد تصالحهما مؤخرا عن طريق الدكتور أشرف زكي نقيب المهن التمثيلية.

وكتب عمر على حسابه الشخصي بـ"فيس بوك": "ولاد الأصول مبيعملوش كده.. أنا قولت الموضوع انتهى بالنسبالي وماكنتش ناوي أفتح الموضوع تاني عشان أنا بخير الحمد لله، بس أنا معترض على الكلام ده عشان "عيب" متقولش كدب  وتريندات كدابة يا أستاذ عصام عشان "عيب" أنا أحترمتك لما جيتلي وأعتذرتلي على الخطأ اللي حصل، والكلام ده كان في حضور دكتور أشرف زكي و قولنا إن ده وارد يحصل في أي تصوير".

يوسف عمر يرد على عصام الوريث

وتابع: "أنا مشكلتي الأكبر أن حضرتك محترمتنيش واستهترت بالموقف اللي لولا ستر ربنا كان زماني "ميت" بس خلاص حصل خير الحمد لله أنها عدت على خير، وأنا كويس و"مش عايز منك حاجة" فـ "عيب" بعد القعدة  وإحنا ماشيين محترمين ومقدرين بعض تقول الكلام ده عيب يا أستاذ عصام، للعلم أنا اتنازلت بعد الحادثة بـ3 أيام عن أي تعويض ليا من الشركة المنتجة”.

يوسف عمر: "مصمم المعارك ضحى بيا في إعلان محمد رمضان ونمبر وان ملوش ذنب" (فيديو)

محمد رمضان يستنكر هجوم عمرو أديب عليه ومساندة نجل لبنى ونس