رئيس التحرير
محمود المملوك

"احترمونا شوية".. منة فضالي تخرج عن صمتها وترد على انتقاد دعمها عمرو يوسف

منة فضالي
منة فضالي

علقت الفنانة منة فضالي على الهجوم التي تعرضت له مؤخرًا، بسبب دعمها للفنان عمرو يوسف بعد وقف مسلسله الجديد "الملك"، وخروجه من السباق الرمضاني المقبل، على أن يتم مراجعته مرة أخرى، وذلك بسبب وجود بعض الأخطاء التاريخية به.

ونشرت منة الفيديو، عبر حسابها الرسمي بموقع تبادل الصور والفيديوهات القصيرة "انستجرام"، قائلة: "أنا ناجحة برأي الجمهور لما بقول رأي مبطبلش لحد لأني مش مستفيدة حاجة، أنا ضد أننا نحكم على حاجة من غير ما نشوفها، في مسلسل نازل جديد تعرف منين أنه وحش؟، تعرف منين أنه بيناقش موضوع تاريخي؟ ما يمكن بيعمل شخصية تانية أو رواية مثلًا".

وتابعت: "ليه بنغلط وليه مش من حقنا كفنانين أننا نقول رأينا؟، أحنا ممثلين ولينا زمايلنا ومن حقنا نزعل عليهم، وأنا بزعل على جهود الناس زي الديكور أو التصوير وغيره، أحنا بنقعد 26 ساعة نصور، سيبكم من الصور اللي على السوشيال، أحنا بنتبهدل ونتعذب وبيطلع عنينا، مش كلنا مرفهيين زي ما أنتم متخيلين".

https://www.instagram.com/tv/CNWAsBvKUQh/?utm_source=ig_embed

وأضافت: "أنا بعمل فيلم جديد بلبس فيه بدلة وأقعد 16 ساعة بيها هل دا مش عذاب؟، هل حد بيشوف دا لاتفقهوا شيء عن اللي بنمر بيه، أحنا شغلنا يختلف عن الموظف اللي بيشتغل الصبح ويطلع عينه علشان ياخد قرشين، احنا مبناخدش القرشين دول،  في ناس ممكن تكون بتقبض كويس بس مش كلنا".

منة فضالي تدعم عمرو يوسف بعد وقف مسلسل “الملك”

واستكملت: "احترموا الممثل لمجرد انه بيقول رأيه بكل بساطة، ممكن تكون مبتحبش منة بس في غيرك بيحبها فـ ليه نغلط؟، من حقك تعترض لكن مش من حقك تغلط، واحنا مش مضطرين نروح نعمل محضر كل شوية ونحبس الناس، مش هينفع نعمل كدا".

وتابعت: "ليه بنغلط ونكتب كلام مهين؟، ليه منكونش محترمين في آرائنا؟، أحنا مبنغلطش احترمونا بس شوية، أنا مش ضد أني أعمل مسلسل أو فيلم، ويكون جزء من الحقيقة، أو رواية تانية خالص مختلفة، وتكون من وحي الخيال". 

واختتمت: "من فضلكم نحترم بعض، وأنت قبل ما تغلط احترم نفسك، أنت بتهين نفسك قبل ما تحترم الشخص التاني، وأنا ناجحة بيكم، بحترمكم جدًا، ورآيكم على راسي من فوق، انتو كمان احترموا أرائنا حتى لو غلط مش كل حاجة هتمشي على مزاجكم".

عاجل