روجينا قبل عرض "بنت السلطان": "عمري ما استكترت نعمة على حد.. وكان بيكفيني يتقالي وش الخير"
شكرت الفنانة روجينا كل من ساندها طوال مشوارها الفني، حتى وصلت لحلم حياتها وهي البطولة المطلقة، في مسلسل “بنت السلطان”، والمقرر عرضه في الموسم الرمضاني المقبل 2021، والذي تفصلنا عنه ساعات قليلة.
واحتفلت بتصدر أغنية “كان يا ما كان”، تتر مسلسها “بنت السلطان”، وكتبت عبر حسابها الشخصي بموقع الصور والفيديوهات القصيرة “انستجرام”، وقالت: “لكل مجتهد نصيب، عمري ما استكترت نعمة على حد، ولا بصيت لرزق مش رزقي، على طول كنت راضية حتى وأنا أصعب انكسارتي، كنت بشتغل بمنتهى الاجتهاد، كنت بفرح بنجاح زمايلي وكإنه نجاحي، وكان بيكفيني انو يتقال عليا وش الخير”.
وتابعت: “وعمري ما طلبت من البشر، كنت بطلب من رب البشر وكنت واثقة فى ربنا لإنه العدل، وواثقة في موهبتي والجمهور اللي بيحبني وبيدعمني ولأني كبرت بيهم، فكنت واحدة منهم، دور ورا دور هما اللي كانوا سندي في المشوار، لغاية ما ربنا طبطب عليا والسنة دي بعد عمر ومشوار طويل، بحقق الحلم اللي عمري ما تخليت عنه”.
بنت السلطان
وأضافت: “سعيدة بفرحة زمايلي ليا ودي عوض كبير، لإنهم مؤمين إني استحق الخطوة دي، بشكر الجمهوراللي كلامه ليا طاقتي الايجابية، هما الدعم والسند وهما بعد ربنا السبب في اللي أنا فية دلوقتى”.
ووجهت شكر خاص لزوجها، الفنان أشرف زكي، وقالت: “بشكر أشرف ذكي اللي اتعلمت منه كتير، اللي دايما في ضهري أمي وبناتي، ودعوتهم ليا بشكر كل من ساهم في وصولي للخطوة اللي أنا فيها دلوقتي من أول دخولي المعهد، الاستاذة الكبار اللي اتعلمت على ايدهم، بشكرك كل الناس اللي اشتغلت معاهم من أول مسلسل لآخر فرحة في مشواري مسلسل (بنت السلطان)، النهاردة بإذن ربنا أول حلقة في مسلسل (بنت السلطان)، وواثقة فى كرم ربنا، بإذنك يارب تجعل رزقنا النجاح من فضلك وكرمك من حيث لا نحتسب".
أبطال بنت السلطان
ومسلسل "بنت السلطان" يشارك فى بطولته نخبة من النجوم منهم باسم سمرة، أحمد مجدى، سوسن بدر، بيومى فؤاد، ندا موسى، محمد مهران، محمود حجازى، نهى صالح، حسن أبو الرووس، تأليف أيمن سلامة وإخراج أحمد شفيق.
