سيد عبد الحفيظ: ما حدث من اتحاد الكرة لا علاقة له باللائحة
انتقد سيد عبد الحفيظ مدير الكرة بالنادي الأهلي اختيار مدينة الإسكندرية للعب مباراة كأس مصر أمام النصر، وقال عبد الحفيظ في تصريحات تليفزيونية:"عاوز اسال سؤال، هو انا بلعب في اسكندرية ليه ؟".
وتابع "اللائحة بتقول ملعب محايد مش بلد محايدة، انا والنصر من القاهرة، رغبتي انا والنصر اننا نلعب في القاهرة".
وأضاف "ممكن اتحاد الكرة يقولي روح العب في بتروسبورت ولا الكلية الحربية ولا المقاولون ولا في اي ملعب في القاهرة وهتبقى ملاعب محايدة ليا وللنصر".
واصل مدير الكرة: "الرد اتقال من اتحاد الكرة اننا لعبنا في الاسكندرية علشان يبقى في تكافوء فرص ان الزمالك هيلعب في السويس ف انك تروح تلعب في الاسكندرية، دي مالهاش علاقة باللائحة".
وأختتم عبد الحفيظ تصريحاته "القرعة جابتني اني الاعب فريق من القاهرة ف نلعب في ملعب محايد، لكن مش تمشيها على مزاجك، مش علشان فرقة هتطلع السويس تطلع فرقة تانية الاسكندرية".
