تعرف على كلمات تتر برنامج "رامز عقله طار" (فيديو)
يشارك الفنان رامز جلال في الموسم الرمضاني هذا العام 2021، ببرنامج المقالب "رامز عقله طار" ، والذى تم تصويره في أحد المواقع الترفيهية بالعاصمة الرياض، ويعتمد على إقناع الضيف انه إعلان للمنطقة الترفيهية، ويرميه بعدها في حمام السباحة من كبسولة تطير في الهواء بمدينة الملاهي.
ويغنى رامز تتر البرنامج كعادته، وتقول كلمات تتر برنامج "رامز عقله طار":-
رامز عقله فوت.. رامز عقله طار
وماعنديش خواطر وماعنديش هزار
فوق واعمل حسابك انك باختصار
انت يادوب تمامك هنا دوسة زرار
العرض جاهز للضيوف قرب يانجم الكون
واجمد كده في كل الظروف
هتهز صوتك ليه انشف ياعم البيه
رامز عقله فوت.. رامز عقله طار
يابني انا نابي ازرق وماعنديش هزار
هدخل جوا عقلك وخيالك واغوص
واجي واخلي حلمك يتحول كابوس
صلي عالنبي صلي
عالي علي نفسك مايهمكش الكلام
صلي علي النبي صلي
خلي الناس تعلى بسقف الاحلام
بينك وبين الموت مفيش
هتنط ولا ارميك
اتهد واهدي عشان تعيش
الحلو جه برجلية اوعاك تسمي عليه
رامز عقله فوت.. رامز عقله طار
وماعنديش خواطر وماعنديش هزار
أنت فى فيلم أكشن، وأنا غاوى إندماج
أهدأ وعدي ليلتك ده أنا ماشى بعلاج
وتتر "رامز عقله طار" من كلمات محمد البوغه، ألحان محمد عبد المنعم، توزيع أحمد عادل، تسجيل مصطفى رؤوف، ميكس وماستر أمير محروس.
وتعاون محمد البوغه مع الفنان رامز جلال في كتابة تترات عدد من برامج المقالب، حيث كتب له من قبل تترات البرامج:"رامز واكل الجو، رامز بيلعب بالنار، رامز تحت الأرض، رامز تحت الصفر، رامز في الشلال، "رامز مجنون رسمي"، إلى جانب تعاونهما سينمائيا في أغنية فيلم "كنغر حبنا".
ويُعرض "رامز عقلة طار" على قناة "إم بى سى مصر" الساعة 6:30 مساءً، بعد أذان المغرب مباشرة.
