طارق السيد: "الزمالك مجاش ستاد القاهرة في الشوط الأول"

هاجم طارق السيد نجم الزمالك السابق لاعبي ناديه عقب الخسارة أمام الأهلي بهدفين مقابل هدف في بطولة الدوري مساء أمس الأحد.

وقال طارق السيد في تصريحات تلفزيونية: "كارتيرون بيناقد نفسه في التصريحات، إزاي بيقول اننا كنا الأفضل في الشوط الثاني وبيقول أن اللعيبة كانت معاقين، انا مش فاهم تصريحاته".

وتابع: "لعيبة الزمالك بتتكلم في الفلوس وبس، هاتوا بطولات الأول، انا مش مصدق الجيل ده، المفروض انهم محسوبين عليهم من أفضل أجيال الزمالك، الزمالك نادي بطولات، قارن الجيل بغيره بالبطولات مش بالمهارات الفردية".

وأضاف طارق السيد: "عمالين نقول بن قلبي والرسام وفي الآخر مفيش بطولات، مش عاوز القاب على اللعيبة، انا عاوز بطولات، مينفعش منطلعش منصات تتويج باللعيبة دي، الواحد تعب".

محمد شريف يُسجل الهدف الثاني للأهلي في شباك الزمالك