رئيس التحرير
محمود المملوك

محمد يسري يحيي ذكرى ميلاد ووفاة والده بكلمات مؤثرة: "الوقت ما بيعديش من غيرك يا هيما"

محمد يسري ووالده
محمد يسري ووالده

أحيا الفنان محمد يسري ذكرى والده الفنان الراحل إبراهيم يسري، الذي رحل عن عالمنا في مثل يوم ميلاده، الموافق 20 أبريل، معربًا عن اشتياقه له وحزنه الشديد على فقدانه، ومطالبًا جمهوره بالدعاء له.  

ونشر الفنان محمد يسري صورة له مع والدة، عبر حسابه الرسمي بموقع التواصل الاجتماعي "فيس بوك"، قائلًا: "الوقت ما بيعديش من غيرك يا هيما.. عدى 6 سنين بس حاسسهم عمر من غيرك".

وتابع: "كان نفسي اوي تبقي موجود معانا،  تشوف كل خطوة بناخدها في حياتنا، كان نفسي أفرحك يا حبيبي، والله أدفع عمري كله وأشوف ضحكتك تاني".

وأضاف: "صوت المفاتيح وأنت راجع من التصوير، ابتسامتك وأنت داخل عليا الاوضة، وبتقولي من غير أي مناسبة (انا بحبك اوي يا حبيبي)، اللي مصبرني أني عارف إنك عند ربنا وإنك أكيد حاسس بينا، وإني إن شاء الله هشوفك قريب يا حبيبي".

واختتم: "بس الوقت مبيعديش يا هيما، لا الوقت بيعدي ولا الوجع بيقل، ربنا يرحمك يا حبيبي، وكل سنة وأنت طيب و مبسوط في جنة ربنا يارب.. نسألكم الدعاء".

عاجل