سمية الخشاب: "أنا مسامحة أحمد سعد.. ومحمد رمضان استأذني قبل ما يشتغل معانا"
تحدثت الفنانة سمية الخشاب عن تفاصيل مشاركة الفنان أحمد سعد خلال أحداث مسلسل “موسى” مع الفنان محمد رمضان، بعدما تصدرا التريند منذ عدة أيام، حيث يعد أول عمل يجمعها مع طليقها بعد المشاكل التي أثيرت بينهما بالعام الماضي.
وقالت سمية خلال مداخلة هاتفية ببرنامج “التاسعة” على القناة المصرية الأولى: “أحمد عرض على محمد رمضان أغنية يقدمهاله في المسلسل فعجبت محمد رمضان وقال يعملها في الفرح ولقيت محمد بيكلمني يبلغني بالموضوع ويوقلي لو انتي يضايقك الموضوع مش هعمله وبحترم مشاعرك ومخليتش حد يكلمك من الإخراج يبلغك قولت أنا أحسن”.
وأردفت: “قولتله بالعكس يلا نعملها، احنا كلنا رزقنا النجاح، وقالي فكري للصبح وهاخد كلمتك الصبح قولتله لا خلاص مبرجعش في كلمتي، أنا مسامحاه وسامحت كل الناس اللي كان بيني وبين الناس مواقف وبقيت بنام بليل في حالة سلام”.
وتابعت: “مكناش قصدين نبقى تريند بس طلعنا تريند، يوم الفرح كنت متوترة أوي، والمخرج كان مهتم يعمل حاجة حقيقية بجد، ومحمد كل شوية يفاجئني يشدني يشيلني وكنا بنمثل وبنتعامل مع بعض بشكل عفوي أوي”.
