سمية الخشاب تكشف تفاصيل مكالمة ريم البارودي لها في شهر رمضان
كشفت الفنانة سمية الخشاب تفاصيل المكالمة التي وردتها من الفنانة ريم البارودي، خلال شهر رمضان الجاري.
وقالت سمية الخشاب خلال مداخلة هاتفية ببرنامج “التاسعة” على القناة المصرية الأولى: “ريم البارودي كلمتني في رمضان، لأن الماكيير بتاعها هو نفس الماكيير بتاعي، وهي لطيفة جدًا وطلبت منه يديني التليفون تقولي كل سنة وأنتِ طيبة، وأنا دلوقتي حاسة إني عصفورة مش زعلانة ولا عايزة أزعل من حد”.
وتحدثت الفنانة سمية الخشاب عن تفاصيل مشاركة الفنان أحمد سعد خلال أحداث مسلسل “موسى” مع الفنان محمد رمضان، بعدما تصدرا التريند منذ عدة أيام، حيث يعد أول عمل يجمعها مع طليقها بعد المشاكل التي أثيرت بينهما بالعام الماضي، وقالت: “أحمد عرض على محمد رمضان أغنية يقدمها له في المسلسل فعجبت محمد رمضان وقال يعملها في الفرح ولقيت محمد بيكلمني يبلغني بالموضوع ويوقلي لو أنتي يضايقك الموضوع مش هعمله وبحترم مشاعرك ومخليتش حد يكلمك من الإخراج يبلغك قولت أنا أحسن”.
مسلسل موسى
وأردفت: “قولتله بالعكس يلا نعملها، احنا كلنا رزقنا النجاح، وقالي فكري للصبح وهاخد كلمتك الصبح، قولتله لا خلاص مبرجعش في كلمتي، أنا مسامحاه، وسامحت كل الناس اللي كان بيني وبين الناس مواقف وبقيت بنام بليل في حالة سلام”.
