"بنوتة اتنجمت عليهم واديتهم على قفاهم".. هل قصدت مها أحمد كلا من السقا وكرارة؟
كتبت الفنانة مها أحمد رسالة غامضة عبر حسابها بموقع التواصل الاجتماعي "فيس بوك"، وتحدثت فيها عن تعرضها للخذلان من نجمين بالوسط الفني، كما عبرت عن استيائها من آخر مسلسل قدموه سويا.
وجاء حديث مها أحمد تزامنا مع قرار إيقاف تعامل "المتحدة" مع المخرج محمد سامي، ورجح أنها تشير في حديثها عن كلا من أحمد السقا وأمير كرارة ومي عمر ومسلسلهم الأخير "نسل الأغراب".
وقالت مها أحمد، بمنشورها على حسابها بموقع “فيسبوك”: "عوضي على الله دى الجملة اللى دايما بقولها لما اتصدم فأشخاص، الحكاية ياسادة نجمين عملوا مسلسل واتنجمت عليهم بنوته لسه الف باء تمثيل واديتهم على قفاهم وركبت عليهم إلى أن اصبحت بطلة المسلسل وبطلة الدعاية للمسلسل وهما راضيين رغم ان طول عمرهم مبيعملوش كده مع أى زميله لهم اقربها أنا”.
وتابعت: “النجم الأولانى بينى وبينه عيش وملح وزماله رشحت فمسلسل بطولته وكان بيقنعنى بدور ولما وافقت بعتولى دور تانى معرفوش دور متعملوش واحده مبتداءه المفروض انه عارف قيمتى الفنيه وعارف انى اضافه له اتهرب منى وموقفش جنبى وباعنى رغم ان الكل عارف انى زى اخته(ندل) اما التانى كان فبداياته يتمنى يسلم عليا ويقولى يااستاذه نزلت من نفسى وقلتله مش هنشتغل مع بعض ماهى الحوجه مره رد وقالى الدور بينادى صاحبه. طبعا محكلكوش قد ايه ندمت نفسى وعشت اسود ايام حياتى عياط واكتئاب. وقلت عوضى عليك يارب”.
وأضافت:"تمر الايام والاتنين يعلو ويتجمعوا مع بعض فمسلسل واحد( على عينهم طبعا) ويمثلوا وحش قوى تمثيل الكفار وطلعوا كمان مبيقروش اللى بيمثلوه وربنا يركب عليهم بنوته سنه اولى تمثيل وخبره ويتحول المسلسل والدعايه الدراما كامله لصالحها وهما (مخدماتيه للاستاذه) .يمهل ولا يهمل ابدوا من جديد يااوفر تمثيل ياللى مبتقروش ياكمبارس جنب النجمه. نصيحه بلاش تتشطروا على اللى كان بينكم وبينهم عيش وملح بلاش تتشطروا على اساتذتكوا. ( عوضنا على الله ) .يارب متحوجنا لحد حتى ولو كان اققرب الناس لينا".
