على غرار حادثة طفلة المنيا.. كارثة بكوبري سوهاج الجديد تهدد حياة المواطنين
تداول رواد مواقع التواصل الاجتماعي فيس بوك، صورا لفتحات أعلى كوبري سوهاج الجديد، تهدد حياة المواطنين، على غرار ما حادث من غرق طفلة ووالدها أعلى كوبري النيل بمركز ملوي بمحافظة المنيا، عندما سقطت الطفلة من إحدى فتحات الكوبري، فحاول الأب إنقاذها، مما أدي إلى مصرعهما غرقا، لعدم إجادته السباحة.
وظهرت فتحات على كوبري سوهاج الجديد على كورنيش النيل، تداول بعض رواد مواقع التواصل الاجتماعي «فيس بوك» بمحافظة سوهاج، صور لها، وتساءل أحد الرواد «أين المسئول عن هذا الكوبري، خايف يطلع حملة تسد كل الفتحات ولا عامل مش واخد باله، حسبنا الله ونعم الوكيل، يا ريت الناس اللي بتروح بأطفال الكوبري الجديد تخلي بالها مش عايزين نكرر حادثة طفلة المنيا تاني».
فيما قال آخر «المفروض تعملوا علامة أو ايتها حاجه تنبه الناس بالمنطقة أو الفتحه دي، حتي الأطفال المعدية وكدا بدل ما الحادثة تتكرر تاني لا قدر الله، لحد ما يصلحوا، وياريت لو حد قدر يحط عليها حديد أو صفيح ولا حاجة أو علامه تنبه الناس يبقى كتر خيره لحد ما حد يحن ويصلحها بدل ما عيل يموت فيها وحسبى الله ونعم الوكيل».
وأوضح أحد رواد مواقع التواصل الاجتماعي فيس بوك، «الحل بسيط على فكرة، دا فاصل إنشائي وبيكون مغطي في منطقة الرصيف بالواح معدنية زي الي راكبة بس للأسف كان محتاج مقاس أكبر ويغطي عرض الرصيف».
