بدرية طلبة: "شريف دسوقي اتصاب بكورونا قبل إجرائه عملية البتر" (فيديو)
كشفت الفنانة بدرية طلبة، إصابة الفنان شريف دسوقي بفيروس كورونا المعروف بـ “كوفيد -19”، قبل إجرائه عملية بتر الساق.
وقالت بدرية، خلال لقائها ببرنامج “الستات ما يعرفوش يكدبوا”، المذاع عبر شاشة قناة “cbc”: “وهو خلاص داخل يعمل العملية، اكتشف الدكتور إن عنده فيروس كورونا وكنت أنا مخالطة له بس كنت سيباها على الله، إذا كان قبله كنت مخالطة أحفادي وأولادي المصابين بكورونا وربنا نجاني".
وتابعت: “قرار الرئيس السيسي تجاهه رفعت من معنوياتنا كلنا، وكون إن الرئيس يهتم بيه رفعت من معنويته، والدنيا اتقلبت عشان شريف ودا عدل نفسيته شوية، ولما روحتله قبل كدا لقيته مش متزن نفسيًا، واتفقت مع زميل ليا صديقنا إننا نسيطر على حالته ونساعده، لأني عارفة اللي حصل مع شريف دا كويس، ومريت بنفس الظروف مع بابا، لأنه بردو اتبترت رجله واللي أجرى عملية شريف هو نفس الدكتور اللي بتر رجل بابا".
