الخميس 28 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

خالد سرحان يشن هجومًا على حلا شيحة بعد تبرُّؤها من الفن: "ترجع الفلوس اللي كسبتها"

خالد سرحان وحلا شيحة
فن
خالد سرحان وحلا شيحة
الخميس 15/يوليو/2021 - 05:39 م

شن الفنان خالد سرحان، هجومًا حادًّا على تصريحات الفنانة حلا شيحة، التي تُعلن فيها تبرؤها من مشاهدها الجرئية مع الفنان تامر حسني خلال كليب “بحبك” ضمن فيلهما الجديد “مش أنا”.

وكتب خالد سرحان، منشورًا عبر حسابه الشخصي بموقع التواصل الاجتماعي “فيس بوك”، وقال: "اللي ميحترمش الفن يرجع الفلوس والفلل اللي كسبها من الفن وساعتها هصدقه".

أزمة حلا شيحة وتامر حسني

وكانت كتبت حلا منشورًا، عبر حسابها الرسمي بموقع تبادل الصور والفيديوهات "انستجرام"، قائلة: "أنا اتفاجئت جدًّا بنزول كليب يجمع فيه مشاهد متفرقة من الفيلم وفي أيام ذي الحجة، أيام مباركة وخصوصًا بعد آخر بوست نزلته ووضحت فيه أنا إيه، واتفاجئت أكتر خصوصًا بعد وعد تامر حسني ليا وتأكيده إنه هيحترم رغبتي، وبعض الطلبات اللي طلبتها منه بكل احترام وود الصيف اللي فات، وأكدلي إنه هيحترم رغبتي”.

وتابعت: “إحنا يمكن نجحنا بمقايس الدنيا بس صدقوني بمقايس ربنا إحنا لم ولن ننجح، أنا عارفة ومتأكدة إن زملائي جواهم خير، بس للأسف فتنة الشهرة والنجاح مش بتخلينا نشوف ونقيس الأمور صح، بتكلم من قلبي، الكليب ده ميرضيش ربنا، وأنا عيطت لإني شفت نفسي في المشاهد دي، دي كانت زلة نتيجة ظروف مريت بيها وكلنا بنغلط ولازم نغلط، علشان إحنا بشر بس المصيبة إننا بنغفل وبننسى".

تابع مواقعنا