عمر خورشيد يسخر من تصريحات حلا شيحة: "ماتبقيش تقلعي الحجاب.. وترجعي تبوسي الأيادي"
سخر الفنان الشاب عمر خورشيد، من تصريحات الفنانة حلا شيحة، الذي تبرأت فيها من مشاهدها الجريئة مع الفنان تامر حسني ضمن فيلمهما الجديد “مش أنا”.
وكتب عمر خورشيد، منشورًا عبر حسابه الشخصي بموقع التواصل الاجتماعي “فيس بوك”، وقال: "عادي هو مزواج مطلاق.. فا لما يعملها معاكي ماتبقيش تقلعي الحجاب وترجعي تبوسي الأيادي على شان تمثلي تاني يا لولة".
وكانت نشرت حلا شيحة بوستر الفيلم عبر حسابها الشخصي بموقع الصور والفيديوهات القصيرة "انستجرام"، وقالت: "أنا اتفاجئت جدا بنزول كليب يجمع فيه مشاهد متفرقة من الفيلم وفي أيام ذي الحجة، أيام مباركة وخصوصًا بعد آخر بوست نزلته ووضحت فيه أنا إيه، واتفاجئت أكتر خصوصًا بعد وعد تامر حسني ليا وتأكيده إنه هيحترم رغبتي وبعض الطلبات اللي طلبتها منه بكل احترام وود الصيف اللي فات، وأكدلي إنه هيحترم رغبتي".
وتابعت: "إحنا يمكن نجحنا بمقايس الدنيا بس صدقوني بمقايس ربنا إحنا لم ولن ننجح، أنا عارفة ومتأكدة إن زملائي جواهم خير، بس للأسف فتنة الشهرة والنجاح مش بتخلينا نشوف ونقيس الأمور صح، بتكلم من قلبي، الكليب ده مايرضيش ربنا، وأنا عيطت لإني شفت نفسي في المشاهد دي، دي كانت زلة نتيجة ظروف مريت بيها وكلنا بنغلط ولازم نغلط، علشان إحنا بشر بس المصيبة إننا بنغفل وبننسى".
