أحمد سعد عن أصالة: "دعمتني بشكل خاص وأنا مدين ليها لأني مكنتش أي حاجة"
حل الفنان أحمد سعد، ضيفًا على الإعلامي يوسف الحسيني، في برنامج "التاسعة" الذي يعرض على شاشة القناة الأولى المصرية.
وتحدث سعد عن علاقته بالفنانة السورية أصالة نصري، وعن الدعم الذي قدمته له قائلًا: "مرة عملت لحن لأصالة وأنا بحبها حب غير عادي، لأنها وقفت معايا ودعمتني بشكل خاص وأنا مدين ليها لأني مكنتش أي حاجة، قالتلي تعالى أنت عندك ألحان إيه قولتلها أنا معنديش حاجة".
واستطرد: "قالتلي أعملي لحن، روحت عملت اللحن وقالتلي ده حلو أوي يلا نعمله، أنت عايز تاخد كام، قولتلها أنا حبيتك أوي مش هقدر أقبض منك لأني حابب نكون صحاب وساعتها كان معايا 6 جنيه بس".
وكشف سعد عن سبب عدم استكمال مسيرته كملحن للأغاني قائلًا: "كنت مخلص لحلمي الأساسي وهو إني أبقى مغني مش أشتغل مغني، وحسيت إن الملحن اللي بيغني مش زي المغني اللي بيلحن، مش دي حقيقتي، أنا حقيقتي إن أنا بغني وده كان هيأثر عليا".
