الجمعة 29 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

سخرية من الزي الرسمي لبعثة مصر استعدادًا لافتتاح الأولمبياد: "لو رايحين تخطبولهم هتلبسوهم أشيك من كده"

بعثة مصر خلال بروفة
رياضة
بعثة مصر خلال بروفة طابور العرض
الخميس 22/يوليو/2021 - 10:46 م

أثارت صور بروفة الزي الرسمي للبعثة المصرية، قبل المشاركة في طابور عرض دورة الألعاب الأولمبية، طوكيو 2020، سخرية المتابعين بسبب المظهر العام، ومقاسات “بدل” نجوم مصر، لا سيما أن المتابعين طلبوا ظهور البعثة بمظهر يُعبر عن التراث المصري.

وكانت اللجنة الأولمبية المصرية، نشرت صورًا عبر صفحتها الرسمية على "فيس بوك" من بروفة الزي الرسمي للبعثة الرسمية، قبل طابور عرض الأولمبياد.

وعلقت اللجنة على الصور: "أجرت البعثة المصرية المشاركة في أولمبياد طوكيو بروفة الزي للبعثة المصرية قبل المشاركة في طابور عرض والتأكد من تطابق الزي مع كل لاعب وعدم وجود أي خلل حتى تظهر البعثة المصرية بأفضل شكل يليق بإسم وسمعة مصر".

وشهد المنشور التي نشرته اللجنة الأولمبية سخرية كبيرة من قبل المتابعين، سواء بشأن المظهر العام للزي الرسمي أو المقاسات التي ظهرت في الصور، وكتب أحد المعلقين: "بالتوفيق إن شاء الله للبعثة كلها، لكن الزي غير مميز ويبدو تقليديًّا جدًّا، أتمنى إسناد هذه المهمة مستقبلًا لأحد مصممي الأزياء المصريين"، بينما علق آخر على المقاسات قائلًا: "يا جدعان مش واخدين مقاسات المشاركين والله عيب بجد منظر يعرّ شوف تصميمات الدول المشاركة والأناقة وشوف شغلنا حاجة عرة بصراحة".

وسخر آخر من المقاسات قائلًا: "مفيش بناطيل أوسع من كده شوية"، وقال آخر: "البدلة عاوزة تتأيف، عيب عليكو والله"، وعلق آخر: "والله اللاعبين هما المحليين البدلة ربنا يوفقهم، بس بجد مصمم الأزياء محتاج يقعد مع دارس تاريخ وتراث ويصمموا حاجة تعبر عن تراث البلد، ده حدث العالم كله بيشوفه محتاجين حاجة تبقى دعاية سياحية كمان أنا واثقة إن فيه دول كتير حتروح بالزي التقليدي بتاعها، الله يرحم الفنان العبقري شادي عبد السلام كان حيطلع بتصاميم تراثية من وحي التاريخ يشهد لها العالم".

وقالت معلقة على منشور الأولمبياد: "لو رايحين تخطبولهم هتلبسوهم أشيك من كده أقسم بالله، لازم تعرونا كالعادة عشان مفيش إبداع وفيه أصنام عفى عليها الزمن موجودة بتختار كل ده وكأننا ف العصر الحجري ومنعزلين عن العالم".

بعثة مصر خلال بروفة طابور العرض
بعثة مصر خلال بروفة طابور العرض
بعثة مصر خلال بروفة طابور العرض
بعثة مصر خلال بروفة طابور العرض
بعثة مصر خلال بروفة طابور العرض
بعثة مصر خلال بروفة طابور العرض
تعليقات المتابعين
تعليقات المتابعين
تعليقات المتابعين
تعليقات المتابعين
تابع مواقعنا