مريم سعيد صالح: " محمد سامي مخرج شاطر ومن أوائل المخرجين ومعاملتة معايا كانت لطيفة إلى أن تقابلنا في نسل الأغراب "
كشفت الفنانة المصرية مريم سعيد صالح عن تعرضها للإهانة وتهديدها من قبل المخرج محمد سامي في كواليس مسلسل "نسل الأغراب" الذي عرض ضمن دراما رمضان.
وأفتتحت الفنانة حديثها: “ أنا مكتبتش حاجة على صفحتي الشخصية ولو كنت عاوزة أعمل أزمة كنت عملت ، ولكن اللي حصل كان في حوار بيني وبين أحد أصدقائي على صفحتة وأنا كتبت كومنت ، والكومنت اللي كتبتة اتاخد اسكرين ونزل على كل الصفحات ، والناس كلها بقت عاوزة تعرف في أيه “ .
وأضافت: “ محمد سامي مخرج شاطر جداً، ودا مش أول تعاون بيني وبينه ، أنا اتعاملت معاه قبل كدا في مسلسلات كتير ذي “ آدم ، حكاية حياة ، الأسطورة ، وأخيراً نسل الأغراب “ .
وأكملت: “ محمد سامي من أوائل المخرجين وكنت أنا في بدايتي وأداني فرص وكانت معاملتة معايا لطيفة إلى أن تقابلنا ف ي نسل الأغراب “ .
وعن بداية مشكلتها مع محمد سامي: “ تاني يوم تصوير ليا في نسل الأغراب، حصل موقف أن الباروكة كانت واخدة وقت كبير مننا في التحضير علشان أدخل التصوير وهو كان مستعجل جداً واحنا ماشيين في حاجات وقعت والكوافير كان بيظبطها فهو قال هي جاية تعدل حاجتها هنا “ .
وأشارت: “ أنا غلطت في كلمة في مشهد مرتين أول مرة صلحلي والتانية أعتذرت فهو قالي انتي ربنا مش هيكرمك وأنا هخليكي كومبرس وانا هوريكي ، فأنا اتضايقت جداً هو لية يقولي كدا ؟ ، وكان في ناس كتير جداً بتغلط في الحوار وبتعيد ومكانش بيحصل معاها حاجة وكان في ناس تانية بتغلط ويحصل معاها مشاكل “ .
