رئيس التحرير
محمود المملوك

أرملة أحمد هيبة: مات وهو راجع من تعاقد على فيلم مع رامز جلال

أحمد هيبة
أحمد هيبة

كشفت أرملة الممثل أحمد هيبة، تفاصيل اللحظات الأخيرة في حياته، حيث توفي يوم الأحد الماضي، إثر تعرضه لحادث أليم، على طريق جسر السويس.

وقالت أرملة أحمد هيبة خلال لقائها في القاهرة 24: «وهو راجع من الحادثة كان جاي من تعاقد على فيلم جديد مع رامز جلال، وكان فرحان إنه رايح يمضي العقد».

وتابعت: «كلمني يومها على الساعة 11 وقالي أنا راجع في الطريق، وعلى الساعة 1 صباحا، حصل الحادث وجاتلي مكاملة واتقالي جوزك مصاب في مستشفى هليوبليس، وروحت وأنا معرفش ايه اللي حصل وبمجرد ما دخلت، اتقالي أن جوزك جاي ميت وعنده كسر في الجمجمة ونزيف داخلي».

وفاة أحمد هيبة

عبرت عن حزنها الشديد بعد رحيل زوجها، مضيفة: «حادث مؤلم أوي إنه يكون راجع وجايب العشاء لأولاده ويحصله الحادثة دي ويروح مننا، وجوزي والسواق بتاع الميكروباص هما اللي ماتوا»

وأشارت أرملة أحمد هيبة: «جوزي اتدفن بعد وفاته بيومين، وأحمد وبابا رزقه كان من التليفزيون، وحاليا أنا بدفع ايجار 1200 وابني رايح تانية ابتدائي، وبنتي رايحة المدرسة السنة الجاية، ودلوقتي هعيش إزاي، ومين هيرضى يشغلني وأنا حامل ومعايا 3 أطفال صغيرين».

وكانت آخر الأعمال التي شارك بها أحمد هيبة هما مسلسل قصر النيل مع دينا الشربيني، ومسلسل حرب أهلية مع الفنانة يسرا، واللذان عرضوا في الموسم الرمضاني الماضي 2021.

أعمال أحمد هيبة

أحمد هيبة بدأ مشواره الفني عام 2000 بمسلسل أوان الورد، مع الفنانة يسرا، ثم بعدها انطلق وشارك في عديد من الأعمال الفنية مثل:  فيلم الرجل الأبيض المتوسط عام 2001 مع الفنان أحمد آدم، وفيلم مافيا مع الفنان أحمد السقا، مسلسل سرح سلاح، فيلم فرح مع الفنان أحمد هارون ومي عز الدين.

كما ظهر في  فيلم شباب سبايسي، فيلم عمارة يعقوبيان مع عادل إمام، فيلم الشبح مع أحمد عز، فيلم الجزيرة مع أحمد السقا، وآسف على الإزعاج مع أحمد حلمي، ومسلسل تامر وشوقية مع أحمد الفيشاوي.

عاجل