مخرج شقة 6: هناك جزء ثاني من المسلسل
كشف محمود كامل مخرج مسلسل شقة 6، التحضير لجزء ثاني من العمل، بعد نجاح الجزء الأول، الذي تكون من 15 حلقة وُعرض عبر منصة شاهد الإلكترونية، وحقق نجاحًا كبيرًا.
وكتب محمود كامل في منشور عبر حسابه الرسمي بموقع التواصل الاجتماعي فيس بوك، وقال فيه معلقًا على انتهاء عرض الموسم الأول من المسلسل، أولًا: هدفي أن الناس تفكر وتشغل دماغها وتتساءل ويكون في جدال ومناقشات زي ما كان موجود طول الحلقات.
واستكمل المخرج محمود كامل: «وكانت الناس جوا الموضوع في حاله استنتاجات.. وأنا عايز الناس تفكر.. ثانيًا: ودا تمهيد للجزء التاني، ثالثًا: في ناس مدعيين أنهم كتبوا وهما مكتبوش ولا حاجة..هم عملوا فكرة وكانت النتيجة اللي مكتوبة وحشه جدًا».
محمود كامل مخرج مسلسل شقة 6
وتابع المخرج محمود كامل: «وأنا استعنت بناس عشان تكتب فعلًا وتعمل حاجة أحسن بكتير.. وأنا بحفظ حق الناس كويس أوي.. لأن بحب وبخاف ربنا وضميري أهم حاجة عندي.. وأنا أكيد مش هرد على ناس مدعيين.. وهما أقل بكتير من أني أرد عليهم».
وأختتم المخرج محمود كامل منشوره: «وكل اللي انتو شوفتوه وحبيتوه دا.. الناس دي ملهاش علاقة بيه أصلًا لا من قريب ولا من بعيد.. والحمدلله على النجاح الكبير».
وضم مسلسل شقة 6، عدد كبير من نجوم الفن، على رأسهم الفنانة روبي والفنان صلاح عبد الله، ملك قورة، هاني عادل، محمود البزاوي، أحمد حاتم، وغيرهم من الفنانين، وهو سيناريو وحوار رفيق القاضي، سعاد القاضي، محمود وحيد، نبيل شعيب، ومن إخراج محمود كامل.
