مصور موكا حجازي: لو مش خايفه من الناس خافي من ربنا
حاول مصور فتاة تيك توك موكا حجازي أحد المتهمين بمساعدتها على زيادة عدد المتابعين لصفحاتها على مواقع التواصل الاجتماعي والترويج لتلك الصفحات تبرئة نفسه من الفيديوهات المنشورة ومن تصويرها مقدما لها النصيحة في مكالمات هاتفية بينهما.
وقال مصور موكا حجاز في تسجيل صوتي : يا بنتي لو مش خايفة من الناس خافي من ربنا انتي هتكسبي فلوس بس هتتحبسي.. بطلي غباء وهبل يعني أفهمي أنا مش كسبان من وراكي حاجة أنا مختش من وراكي جنيه لحد دلوقتي ذودتلك الصفحات ومختش من وراكي حاجة، لو هتكملي وتفضلي شغالة في اللي انتي فيه أنا هسحب صفحاتك وهاخد الأكونتات بتاعتك كلها لوهتكملي أكونتاتك كلها تلزمني.
جدير بالذكر أن جهات التحقيق، قررت استمرار حبس مصور موكا حجازي ويدعى “أ. م” على ذمة التحقيقات لقيامه بمساعدتها على زيادة عدد المتابعين لصفحاتها على مواقع التواصل الاجتماعي والترويج لتلك الصفحات.
تابع مصور موكا حجازي في التسجيل الصوتي: الفيديو الأخير إللي نزلتيه الناس كلها عمالة تعمل ريأكتات ومكتوب مطلوب حبس موكا حجازي يا بنتي الفيدوهات دي هتحبسك انتي لسه شايفه مودة وحنين خدت 10 سنين أيه عايزه تحصليهم أمسحي الفديوهات دي هتحبسك الفديوهات دي هتحبسك بناقص الفلوس اللي هتيجي من ورا الفديوهات، اسمعي الكلام وأمسحي الفديوهات دي وأعملي فيديوهات محترمة زي اللي عملتيها في المول بدل ما تتاخدي في الرجلين”.
مصور موكا حجازي
وكشفت التحقيقات في قضية موكا حجازى فتاة التيك توك وقال مصور المتهمة نانسي أ. المشهورة بـ فتاة التيك توك موكا حجازي أمام جهات التحقيق: اللي حصل أن من حوالى شهرين تقريبا كنت معزوم فى عيد ميلاد بكافيه في روکسی واتقابلت مع نانسي.أ، والشهيرة بـ موكا حجازى واتعرفت عليها واحنا قاعدين في المكان وهي كانت عرفاني لأني أنا معروف بين الناس اللى شغلها في السوشيال ميديا، لأن أنا شغال معاهم وشغلي إني بزود المتابعين على الحسابات عندهم، وهي عندها صفحات على الانستجرام والتيك توك.
وذكر مصور موكا حجازي: طلبت مني موكا إني أزود المتابعين بتوعها على صفحاتها، وفعلا زودت المتابعين عندها نحو عشرة آلاف متابع على الانستجرام وعشرة على الفيس، على التيك توك، وبعد كده لقيت موكا حجازى إنها بتنزل فيديوهات بترقص فيها ولابسه قمصان نوم وملابس داخلية في الفيديوهات بتاعهتا، وكلمتني موكا حجازى تاني علشان كانت عوزاني أزود ليها متابعين تاني، فأنا رفضت أن أشتغل معاها تاني وقولتلها إن الفيديوهات اللي بقت بتعملها دي هتحبسها، وإن هي لازم تمسحها كلها ولكنها قالتلي ملكش دعوة بيان باللي بعمله وأنا حرة.
أضاف أيضا: أنا بعدها لما لقيت موكا حجازي مصممة على الفيديوهات بتاعتها والاعداد، عندها بار بود اما دخلت على حسابها إلى الا اشتغلت معاها فيها وقفلتها ومسحت الفيديوهات بتاعتها وغيرتها باسمي علشان ما اتاخدش معاها، لأن أنا اشتغلت على الحسابات بتاعتها معاها، وبعدها هي عملت حسابات جديدة ونزلت عليها نفس الفيديوهات بتاعتها وعرفت أن قوات الشرطة القت القبض على موكا حجازى وأمرت النيابة بـ حبس موكا حجازى وبعدها كنت رايح أقابل بنت ليها حساب على الانستجرام في التجمع الأول فی ستارباکس اللي موجود في ووتر واي، ولما وصلت في قوة من المباحث وصلوا وقضوا عليا وأخدوني على مبنى الإدارة العامة.
