محافظ بورسعيد يُعنف طالبًا: هل بلدنا متستحقش نقف دقيقة نحييها هي وشهداءنا؟
تفقد اللواء عادل غضبان محافظ بورسعيد، انتظام سير العملية الدراسية بإحدى المدارس العسكرية بالمحافظة، وذلك للاطمئنان على انتظام سير العملية الدراسية بها في أول أيام العام الدراسي الجديد.
وأثناء تحية العلم في الطابور الصباحي بالمدرسة، قام محافظ بورسعيد بتعنيف أحد الطلاب لعدم اهتمامه بتحية العلم قائلًا: لؤي طالب بيضحك ويهزر ويلعب مع زملائه أثناء تحية العلم، هل بلدنا متستحقش مننا إننا نقف دقيقة عشان نحييها ونحيي شهدائنا اللي بيضحوا بروحهم عشان أحنا نعيش.
كما تحدث اللواء عادل غضبان محافظ بورسعيد أثناء حضوره طابور المدرسة الصباحي بمدرسة بورسعيد الثانوية بنات، عن الطلبة المتغيبين فقال: هنشوف في أخر السنة العياط والزعل، ولادنا السنة اللي فاتت في 3 ثانوي دخلوا الامتحان بالكتب وورق الدرس ومنجحوش عشان مجوش المدرسة، عشان المدرسة هي الأساس والفكر.
ووجه محافظ بورسعيد رسالة إلى الطلبة فقال: الدولة بتعمل المستحيل ليكوا، وأي حاجة بنعملها بتبقى مدروسة مش عشوائية.
