رحمة حسن: والدي كان تعبان وطلبت من هاني أسامة فلوسي رفض وبابا مات بعدها
كشفت الفنانة رحمة حسن أنها طلبت من المنتج هاني أسامة أن يُعطيها ما تبقى لها من أجرها من مسلسل سابع جار، لكنه رفض، مشيرةً إلى أنها طالبته بحقها، عندما تعرض والدها لوعكة صحية شديدة قبل وفاتها، وأخبرته بالظروف التي تمر بها، لكنه رفض إعطائها أموالها، لتُفجع بعد ذلك بوفاة والدها بعد يومين فقط من رفضه مساعدتها، مؤكدةً أنها لن تتنازل عن حقها، ولن تنسى له هذا الموقف معها.
وكتبت رحمة حسن منشورًا، عبر حسابها الشخصي بموقع تبادل الصور والفيديوهات القصيرة انستجرام، قائلة: للعلم الوقت ده كان بابا تعبان وفي المستشفى، وهاني أسامة كان عارف، وقلت له أني محتاجة الفلوس أرجوك، ورفض بعدها يديني أي فلوس من باقي أجري، ومكانش بيرد على رسائل أو مكالمات مني، للأسف بابا أتوفى بعدها بكام يوم.
الفنانة رحمة حسن
وتابعت رحمة حسن: ومن ساعتها وأنا تعبانة ومش ناسية هو عمل معايا إيه، وكان صعب عليه أني أطلب تاني من دكتور أشرف أنه يتدخل، لأن هاني مش بيستجيب أصلًا، وأنا كنت تعبت من كتر ما بطلب حقي وهاني بيتهرب، بس بين كل فترة والتانية كنت ببعت له رسالة أو أكلمه، وبرضوا ما فيش حاجة.
وأضافت رحمة حسن: كل ده بمنتهى الذوق والاحترام والرسائل موجوده معايا من 2018 كله على التليفون، وطبعا الوقت بيعدي وأنا معنديش شغل ماعنديش دخل، تعبت وبعت له تاني من كام يوم وقلت له، وبرضوا مافيش حاجة.
أزمة رحمة حسن وهاني أسامة
كما أوضحت رحمة حسن أن لها أكثر من 40 ألف جنيه لدى هاني أسامة، وهو يعلم بذلك لكنه لا يعطيها حقوقها، قائلة: كمان العقد بتاعي معايا، ومخصوم منه الضرائب إلى دائمًا بدفعها، على أي عمل بشارك فيه من زمان، العقد بتاعي على مسلسل 60 حلقة، هاني صور وذاع 67 حلقة، يعني ليا كمان 7 حلقات مش موجودين في عقدي، وماختش عليهم كمان أجر، وما طلبتش بيهم أصلا، بس هو عارف.
وتابعت رحمة حسن: الفكرة إنه طلع أن في كذا شخص في الشغل مش أنا بس، عندهم نفس الموقف مع هاني، ويمكن بفلوس أكتر بكتير وفي نفس الموضوع، والنقابات والقضية وما إلى ذلك.
