الشيخ رضا محفظ القرآن بالدقهلية: حب الأطفال لكلام الله فطرة
قال الشيخ رضا إسماعيل عبد المعطي من قرية ميت عنتر، التابعة لمركز طلخا بمحافظة الدقهلية، إنه درس بالأزهر الشريف وتخصص في شعبة الحديث وعلومه، وتخرج من كلية أصول الدين، بجامعة الأزهر في المنصورة ويُعلم أطفال قريته بالشارع أصول حفظ القرآن الكريم.
وأضاف الشيخ رضا: جاتلي فكرة التحفيظ من سنة 2017، واتطورت في 2019، وبدأت البلد كلها تعرف بالموضوع ده، أنا كنت ثابت في مكان واحد في السوق، وبعد كدا انتقلت في كل شوارع البلد، حتى العيال أول ما يشوفوني بيقعدوا عشان نقرأ، وكل العيال اللي في الحارة بتتلم.
وتابع الشيخ رضا حديثه قائلًا: حب الأطفال لكلام الله فطرة، وفكرة تحفيظ الأولاد من أفضل الحاجات اللي بتسعدني في حياتي، وجميع الأجيال لا بد أن يتربوا على القرآن.
وأوضح الشيخ رضا، أنه ينتقل كل 15 دقيقة من مكان لآخر، حتى يحفظ جميع الأولاد القرآن الكريم وأنه يبتعد عن الإسهاب في الوقت، حتى لا يُثقل على الأطفال وعلى أهالي المنطقة.
كما قالت السيدة ياسمين وهي من قرية ميت عنتر: أول لما الشيخ بيجي بننزل العيال عشان هما أصلًا بيحبوه، ويشتري لهم حاجات عشان يشجعهم.
