هاني شنودة: تكريمي متأخر أفضل من عدمه وأشارك في مهرجان للأطفال | فيديو
أعرب الموسيقار الكبير هاني شنودة عن سعادته البالغة بتكريمه في حفل افتتاح الدورة الـ 13 من مهرجان القاهرة الدولي للجاز.
تكريم هاني شنودة
وقال هاني شنودة لـ القاهرة 24:مكنتش متوقع تكريمي لحد ما قالو لي، وطبعًا هما فاهمين إن ليا علاقة بالجاز لما كنت بلعب غربي زمان ودا سبب التكريم، أنا في منتهى السعادة لأنهم أخدوا بالهم من اللي قدمته قبل فرقة المصريين.
وعن فكرة تكريمه المتأخر، أجاب هاني شنودة: متأخر أحسن من بلاش لكن مفيش حاجة اسمها متأخر، والنجاح اللي حققته فرقة المصريين في المبيعات إنه شعب ذواق وبيفهم ومالوش دعوة بالتجارب الجديدة والكلام اللي بيتقال من النقاد اللي بيكركبوا الدنيا والحاجة الحلوة بتعجب الناس وخلاص.
أما عن أعماله الجديدة، فأشار هاني شنودة إلى أنه يشارك في الفترة الحالية في مهرجان للأطفال، ويهدف لتذكير الجيل الكبير بالأغاني القديمة الخاصة بالأطفال وتعريف الجيل الجديد بتلك الأغاني.
واختتم البحيري تصريحاته: بنعمل مهرجان للطفل لأن التلفزيون المصري تراجع، فكل النجوم زي صفاء أبو السعود ونيللي ومحمد ثروت ونجوى إبراهيم إتنسوا بالنسبة للأطفال الجداد، وهنعمل مهرجان للتسابق عشان يبقى في مراكز للغناء والدرامز والأورج والكمانجة والجيتار، وده هيعيد ويصحصح الأغاني القديمة اللي الكبار عارفينها وافتقدوها وهيعرفها كمان الجيل الجديد وعملنا الافتتاح في مجلة الأهرام مؤخرًا.
