والدة الطالب المصاب في مشاجرة حقوق الإسكندرية: ابني قالي أنا اتصفيت كنت بتشاهد وفاكر نفسي هموت
قالت والدة الشاب أحمد رمضان عوض، إن نجلها كان ذاهبًا لإتمام إجراءات التنسيق في كلية الحقوق جامعة الإسكندرية، وبعد توجهه إلى الجامعة بساعة واحدة، تلقت هاتفًا من أحد الأشخاص الغرباء، يبلغها بإصابة نجلها، قائلة: لقيت واحد بيتصل بيا من المستشفى بيقولي تعالي ابنك مطعون وبيموت.
واستكملت الأم حديثها باكية: روحت لقيت ابني أصيب بقطع في الوش في الرقبة، والودن، وقالي يا أمي أنا ماكنتش عايز أتخانق أنا بقوله تعالى نتكلم راح مطلع كتر من جراب وقطعلي وشي وكل ما آجي أمسكه عشان مايهربش يضربني تاني.
وأضافت السيدة أن كاميرات المراقبة وثقت الواقعة بالكامل، حيث تم تفريغها أمس بالنيابة العامة، وظهر الشاب بها وهو يتعدى على نجلها، وأوضحت: ظاهر في الكاميرا إنه بيحضّر الكتر من بدري ورايح يعور بيه ابني.
وقالت والدة الشاب أحمد رمضان عوض، المصاب في واقعة مشاجرة طلاب كلية الحقوق بجامعة الإسكندرية: ابني بيقولي يا ماما أنا اتصفيت ووقعت في الأرض ولقيت الناس بيقولولي اتشاهد، وكنت بتشاهد وفاكر نفسي هموت، وماحستش بنفسي غير في المشتشفى.
واختتمت السيد حديثها: وكيل النيابة شاف الكاميرات وظاهر إن ابني تم التعدي عليه وماكنش معاه أي سلاح حتى يدافع بيه عن نفسه، أنا مش طالبة غير العدل وحق ابني.
