رضا عبد العال: موسيماني دخل مباراة الزمالك بجبن وأضاع الفوز التاريخي
تحدث رضا عبد العال، نجم الأهلي والزمالك السابق، عن مباراة القمة التي أقيمت مساء أمس الجمعة، ضمن منافسات الجولة الثالثة من الدوري المصري.
وقال رضا عبد العال في تصريحات تليفزيونية: موسيماني أضاع الفوز التاريخي اللي مش هيتكرر إلا كمان مثلًا 10 أو 20 سنة، لأن عمره ما كان يتخيل المكسب دا، هو نازل أصلًا بجبن غير عادي بوجود ثلاث ديفندرات.
وأكمل عبد العال: مكنش يتوقع إن الشوط الأول يخلص بنتيجة 3-0، وهو لو كان طمع كان نزل أحمد عبد القادر وعمار حمدي، لأنه مكنش هيلاقي الزمالك في أسوء حالاته زي إمبارح.
وأضاف عبد العال: موسيماني لو كان نزّل عمار وعبد القادر، كان كل كورة هيجبها جون، عشان شريف كان لسه موجود، ده غير زيادة علي معلول وأكرم، وكان هيبقى فيه استغلال لاندفاع الزمالك.
وأوضح عبد العال: الزمالك كان أحسن أول عشر دقايق، بس بعد الجون الأول الفريق انهار، واللاعيبة بدأت تعمل تدخلات عنيفة مع لاعيبة الأهلي.
وحقق النادي الأهلي الفوز على غريمه التقليدي الزمالك بنتيجة 5-3، في قمة الأسبوع الثالث من الدوري المصري، التي أقيمت على ستاد القاهرة الدولي.
