هاني شاكر يعلن وقف حسن شاكوش بلا رجعة: بناقص
قال الفنان هاني شاكر، نقيب المهن الموسيقية، إنه سحب ترخيص مغني المهرجانات حسن شاكوش للأبد وبدون رجعه، وعلق قائلًا: الغلط اللي غلطوا دا أنا واحد من الناس والمجلس معايا كلنا، قررنا سحب ترخيصه تماما ونهائيا، لأن الحقيقة إحنا مش ناقصين في الوسط الفني هذه النوعية من الفن.. هذه النوعية الغريبة والعجيبة اللي احنا بنشوفها في الفن النهاردة، بناقص حسن شاكوش.
وتحدث خلال لقائه مع برنامج ET بالعربي، عن خلاف حسن شاكوش مع المطرب الشعبي رضا البحراوي، قائلًا: المشكلة كبيرة وخطيرة، وعلى قد اللي اتعمل دا، متعملش في أي حته، مش بس في مصر.. يطلع يغني غنوه إباحية على المسرح، ويخلي الجمهور يشاركه غنائها.
خلاف رضا البحراوي وحسن شاكوش
بدأ الخلاف بينهما في الساحل الشمالي، عندما كان من المقرر أن يغني رضا البحراوي في الحفلة أولًا، وصعد حسن شاكوش ليغني، ولكنه أصر على مغادرة فرقة رضا البحراوي منه، وبدأ بينهم شجار، مما جعل حسن شاكوش يوجه لهم إشارات خارجة، وردت الفرقة عليه، وتبادلوا السباب على خشبة المسرح.
