بث مباشر | أمانة شاب تنقذ أسرة من الانفصال بقنا.. والشاب: رجعت شنطة الذهب وهاتف أيفون ورفضت المكافأة

أنقذت أمانة وأخلاق الشاب أحمد عزت، من محافظة قنا، مستقبل أسرة من الانفصال، وذلك بعد أن أعاد الأمانة المفقودة إلي أصحابها، ورفض أن يأخذ أي مكافأة في مقابل شهامته ودوره الإنساني الذي قام به.

وكانت البداية، عندما خرج أحمد لشراء العلاج لابنه من الصيدلية، في تمام الساعة الـ 12 منتصف الليل، قائلا: وأنا خارج لقيت تليفون أيفون وكيس فيه حاجات.

وأوضح أن الكيس كان يحتوي على ذهب مملوك لإحدى الأسر المتوسطة الحال، والتي كانت مهددة بالانفصال بسبب الذهب المفقود.

وقال الشاب أحمد في حديثه عن كيس الذهب المفقود وطريقة رده إلى صاحبه: وأنا خارج من الصيدلية لقيت كيس أخدته معايا ومرضتش أفتحه غير بعد ما أروح وبعد ما رجعت البيت لقيت مصاحف دهب وفاتورة بـ 104 ألف جنيه.

وعن تفاصيل رد الأمانة، قال أحمد: لقيت تاني يوم واحد بيقولي الذهب اللي معاك ده بتاعي فرديت عليه قولتلوا قولي على تفاصليه، قالي مراتي هيا اللي عارفه تعالى البيت وهي تقولك، وبعد كده روحت البيت ملقتش مراته فسألته فين الست؟ قاللي أنا حالف عليها طلاق تلاتة ما تدخل البيت غير بعد ما الدهب يرجع.

فجاءت السيدة وقولت لها: إيه أمارة الدهب قالتلي فيه فاتورة بقيمة 104 ألف جنيه، قولتلها اتفضلي حاجتك وروحت صالحتهم على بعض ومشيت.

وتطرق أحمد في حديثه: التليفون الأيفون رن عليا واحد وقالي التليفون ده بتاعي فرديت عليه قولتلوا هو التليفون له كلمة سر تعالى افتحه إن فتح يبقى بتاعك وبعد كده اتقابلنا وفتحه وأخد التليفون بتاعه وعزم عليا أن أخد مكافئة لكن رفضت.

جدير بالذكر أن الشاب أحمد عزت يعمل نجارًا مسلح، ويبلغ من العمر 33 عاما وليس لديه أية وظيفة.