حمو بيكا: طول ما في ملايين وأطفال بيحبوني محدش يقدر يمنعني
هاجم مطرب المهرجانات حمو بيكا، نقابة المهن الموسيقية، بعد قرار منعه من الغناء هو وعدد من مطربي المهرجانات.
وقال حمو بيكا في بث مباشر عبر حسابه الشخصي بموقع الصور والفيديوهات القصيرة انستجرام: وحدوا الله ومش تحسسونا إن أحنا بيئة وزبالة، أنتم شايفينا كده عشان عايزين تشوفنا كده، الظلم حرام، وأنا بتكلم عن نفسي، وبقالي 5 سنين وغنيت إسفاف ولكن ده من زمان، ووقتها مكنتش اعرف يعني ايه نقابة ولما عرفت بطلت.
وتابع بيكا: أنتم ليه واخدين الدنيا كده واحنا في عصر السيسي بلد الحرية والعدل والقانون، وأنتم عايزين البلد ميبقاش فيها حرية، وطول ما في ملايين وأطفال بيحبوا حمو بيكا، يبقى متقدرش تمنعني، حرام عليكم مش بعد اللي بنينها تهدوه.
أزمة حمو بيكا وهاني شاكر
وهاجم حمو بيكا، الفنان تامر عبد المنعم والفنان هاني شاكر، بعد تصريحاتهم أمس الثلاثاء، في صالون ثقافي أقيم في قصر السينما، قائلا: طالع ماسك المايك، المكان اللي عامل عليه الندوة ده اسمه المنصة، متقولش مسرح أنت مش واقف تغني، الناس كلها بتتكلم باسم مصر.
