الثلاثاء 19 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

أمي بتغير على أبويا من مراتي وعايزاني أطلقها أعمل أيه؟.. مبروك عطية: خليها تخف الدلع والهئ عن الحاج

مبروك عطية
دين وفتوى
مبروك عطية
الإثنين 29/نوفمبر/2021 - 07:20 م

رد الدكتور مبروك عطية، العميد السابق لكلية الدراسات الإسلامية بجامعة الأزهر فرع سوهاج، على سؤال ورد إليه نصه: أمي بتغير على أبويا من مراتي وعايزاني أطلقها ماذا أفعل؟. 


قال عطية خلال فيديو  له على قناته على اليوتيوب، إن والد الزوج ليس كالأب، ومن ثم لا بد أن يكون هناك ضوابط وموانع خلال المعاملة بينهما. 


وتابع: سلامتها من الطلاق ومن كل شيء، وأنت رجل عاقل وتعرف إزاي تتصرف، مضيفا: مراتك ممكن تكون بتعامل أبوك بخفة ودلع فخليها تخف وبلاش الهئ، وما دامت أمك بصحتها خليها تخدم باباك وخلى مراتك في خدمتك.
 
وأردف: لو سكنك بعيد وأنت رايح تزور باباك روح من غير ما تاخد مراتك أبعدها عن أبوك نهائي أو تروح معاك وتقعد زى القلة أو زى شوال البطاطس. 


واكمل: مراتك مش لازم تدلع باباك أوي، علشان أمك متغضبشي، مش كل يا بابا، أشرب يا بابا، هأهأ يا بابا، وتضحكه، والبت يكون دمها خفيف وأمك كبة سلطت فطبعا هتغير منها.


العميد السابق لكلية الدراسات الإسلامية بجامعة الأزهر فرع سوهاج، اختتم: لو الأم بصحتها وقادرة على خدمة الزوج خليها هي اللي تدلع الحج ومراتك تدلعك أما تروحوا البيت.

تابع مواقعنا