مرتضى منصور: هنرجع كل الراحلين والمعارين في عهد اللجنة المؤقتة | فيديو
تحدث مرتضى منصور، رئيس نادي الزمالك، عن مصير الصفقات والمعارين، الذين رحلوا عن صفوف الفارس الأبيض في عهد اللجان المؤقتة، وموقف مجلس الإدارة من باتريس كارتيرون.
وقال مرتضى منصور في فيديو نشره على صفحته الرسمية: إحنا في ضهر فرقة الكرة، وإحنا معندناش مشكلة مع باتريس كارتيرون، وأمير مرتضى قعد معاه وقاله معندناش أي مشكلة معاك
مرتضى منصور يُعيد راحلين الزمالك
وتابع: بس حازم فتوح وكيل كارتيرون، هو اللي قعد يقول لو مرتضى رجع كارتيرون هيمشي، فإحنا وقفنا التعامل معاه عشان نعرف نتعامل مع الراجل الفترة الجاية، وفي الأساس أمير وأحمد اللي سافروا جابوه من فرنسا، وإن شاء الله يستقر الفريق
وعن الراحلين، أضاف: اللي تم إعارتهم من اللجنة هيرجعوا، واللي تم بيعهم من اللجنة هيرجعوا، لأن اللجان معندهمش صلاحيات البيع والإعارة ودي اختصاصات مجلس إدارة، الطيور المهاجرة كلها هترجع، بس كله في وقته أنا معيش عصا سحرية.
واختتم: أول ما يجي القرار هنعلن الانتخابات، بس خلاص هي أيام 20 و21 و22 يناير، ولو في إجراءات معينة هتتاخد وقتها.
