هاني شاكر عن فيديو عمر كمال وحمو بيكا: سلوكيات لا تليق باسم مصر
علق الفنان هاني شاكر، نقيب المهن الموسيقية، على مقطع الفيديو الذي نشره أمس عمر كمال وحمو بيكا، حيث قال فيه حمو بيكا لـ عمر كمال: عايز عربية بنتلي هدية، قائلًا: فيه حالة من تقليل صورة الفن والفنانين المصريين، والنقابة تستنهض اليوم كل القطاعات الموجودة في مصر للتصدي لهذا الإسفاف، وكلنا لازم نتحمل المسئولية.
وقال هاني شاكر، في مداخلة هاتفية مع الإعلامي تامر أمين، ببرنامج آخر النهار المُذاع على فضائية النهار، مساء اليوم الأربعاء: هذا الاستخفاف وهذه السلوكيات لا تليق باسم مصر ولا بفنانين مصر.. والنقابة مش هتقدر تعمل كل حاجة لوحدها.
وواصل هاني شاكر: عايز الدولة كلها تقف معانا.. احنا مش ضد الفن احنا ضد اللي بيعملوه وضد اللي بيقولوه.. المزيكا والإيقاع مفيهاش عيب، لكن العيب إن أنا أقول كلام خارج مينفعش أطفال يسمعوه أو يرددوه.
وأردف نقيب المهن الموسيقية: اللي حصل من عمر كمال ده أكبر دليل على أنك عارف أنك بتعمل جريمة هنا في مصر ورايح تصلحها هناك في السعودية لأنها أرض طاهرة، متابعا: احنا بنتعامل معاهم كأننا في حرب مقدسة.
